YESAYA 43:3 - Susula Malalaok Hehelu Palak Ma Hehelu Beuk

³ Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YESAYA 43:3 ပူးပေါင်းရင်းမြစ်များ

KEJADIAN 10:7

Kus tititi-nonosin nde, laun manaleo nai Seba, Hawila, Sapta, Raema ma Sabtekha. Raema tititi-nonosin nde laun manaleo nai Syeba ma Dedan.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

KELUARAN 10:7

Basa manapaleta-la lafa'da manek-ka lae, “Hataholi ndia muse tao susa ita losa faihi'da? Po'i basa hataholi Israel sila-la ala la'o, fo leu sene-do'ok neu Manetualain, fo sila Manetualain-na. Mitak ita nusan-na nakalulutuk so!”

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

AMSAL 11:8

Hataholi ndoos-sa, nala toto'a-tataak-ka deak; hataholi mangalauk-ka hapu batu nakatutunuk.

AMSAL 21:18

Metema, Manetualain huku laun-na soona, hataholi malole-a ta, tehu hataholi mangalauk-ka nde hapu susa.

YESAYA 19:20

Mei tutunu-hohotuk ma dii batu ndia, nalupa dulak neme Manetualain Fo Manakoasa, mamain-na nai Masir. Metema leoina ndia nanatuni-ndenik, fo naloo bou-bou noke tutulu-fafalik neu Manetualain soona, neukose nadenu hataholi esa neu fo ana tulu-falis.

YESAYA 20:3

Lelek kota Asdod-ta, nananakahapik, Manetualain nafa'da nae, “Au atang Yesaya, nakahola-la, ma ana ta pake ta'bueis teuk telu dalen-na so. Ia nde da'di ta'du-tana neu hata fo, neukose ana da'di neu Masir ma Sudan.

YESAYA 30:11

Heok leona, fo tunga eno fe'ek. Boso mapangge ami mo Israel Manetualain malalao-malalafun-na.”

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

YESAYA 43:11

Au mesang-nga nde, Manetualain, fe'ek neme Au mai, ta hapu manasoi-manatefa fa.

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 45:15

Manetualain fo, manasoi-tefa Israel-la, nde been-na Manetualain fo, nafuni aoinan-na.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 60:16

Neukose leoinak-kala, ma mane-manek-kala, lakaboboi o, sama leo inak esa, nakaboboi anan-na. Soona besak-ka o bubuluk, mae Au Manetualain, fo o manasoi-manatefam-ma, ma o bubuluk mae Israel Manetualain, fo o Manasoi-po'im-ma, mabe'i-balakaik.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YEREMIA 16:21

“Hu ndia de,” Manetualain nae, “oek ia neukose Au tao basa leoina-la lame'da lita Au koasang-nga ma Au be'i-balakaing-nga fo ela soaneu losa dodoon-na neukose sila bubuluk lae Au ia Manetualain.”

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

YUDAS 1:25

Ka'da Ndia mesa kana nde Manetualain fo Manasoi-tefa ita tunga ita Lamatuan Yesus Kristus. Ndia nde Manetualain fo mandela-masa'ak, matua-madema, mana koasa, ma manini-mafa'dak, neme makahulun eli losa besak ia, ma losa dodoo na! Amin.