YESAYA 43:2 - Susula Malalaok Hehelu Palak Ma Hehelu Beuk

² Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 43:2 ပူးပေါင်းရင်းမြစ်များ

AYUB 5:19

Metema, soe-a mai soona, o nanasoi-tefak tataas esa.

MAZMUR 23:4

Leomae au la'ok tunga bafak makahatuk dale boe, au tabii soe-a fa, nana O sama-sama mo au O masulu-mahapa au, sama leo hataholi manafoo esa nasulu-nahapa bi'ilopon-na nenik ai tete'ek ma ai kalapu'ak.

MAZMUR 32:6

Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

MAZMUR 66:10

Ou Manetualain, O fola basa ami so, sama leo hataholi-a natanoe lilofulak-ka nai ha'i dale.

MAZMUR 66:12

O po'ilotak musu-a heheta-aa'i ami; ami la'ok tunga faa, ma ha'i-a tala'da. Tehu besak ia, O moo ami leo mamana tetu-temak-ka neu.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

KELUARAN 14:29

Tehu lelek hataholi Israel-la lena tasi-a, ala la'ok nai dae ma'dak lain, ma oe-a nalupa leo papala nanadamak, nai kii ma nai kona.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 30:27

Manetualain koasan-na, ma matua-mademan, neukose nananitak neme dook-ka mai. Ha'i-a, ma ha'imasuk-ka, natu'du nasa-melun. Ana kokolak nos, de hala-kokolan nana'a sama leo ha'i-a.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YEREMIA 46:28

Da'di boso bii-mamata'u, hai Au anang-ngala lemin: neukose Au mai soaneu soi po'i emi. Mamanak fo Au tao tapasasala emi nai leoina-la, neukose Au tao amate-amopo la'i esak-kasa, tehu Au ta tao emi tao leondiak fa. Memak emi ta maladeak neme huku-doki-ka mai fa, tehu Au huhuku-dodoking neu emi-a ndebeen-na ndos ma matetuk nanda no makeketun-na.” Au Manetualain nde manakokolak-ka.

DANIAL 3:23

Boema hataholi ka teluk fo nanahenge nahelek sila-la, ala tu'da leo ha'i nafolokakaak ndia dalek leu.

HAGAI 1:13

Boema, Hagai nanduku-nalosak Manetualain hala hehelun-na neu laun-nala, nae Manetualain naheluk basa, nae neukose nasulu-nahapas.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.

2 TIMOTIUS 4:22

Ela leo bee na, Lamatua ka nahele nai o boboa ma. Ela leo bee na, Lamatua ka fe baba'e-papalak neu tolanoo kala! Ha'da-holomata neme ami, Paulus

IBRANI 11:29

Hu ka nde namahehele ka, de hataholi Israe la, ala hapu lena lala Tasi Pila sa selik, nono'ka bai ala la'ok nai dae ma'dak lai na, tehu hataholi Masir ala, tasi ndia ko'do henis nai lelek ala so'ba lena boe.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”