YESAYA 42:9 - Susula Malalaok Hehelu Palak Ma Hehelu Beuk

⁹ Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

YESAYA 42:9 ပူးပေါင်းရင်းမြစ်များ

1RAJA-RAJA 11:36

Tehu Au ela leo esa soaneu ndia, fo ela hapu hataholi esa neme Au atang Dauk tititi-nonosin mai, fo ana paleta soaneu Au nai Yerusalem tataas esa, kota fo Au hele basan da'dileo mamana hule-haladoik neu Au.

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.

YESAYA 48:3

Manetualain nafa'da nae, “Mamanene leon, hai Israel! Hata fo, makahulun-na ana da'di, Au tui-bengan dook-ka so; hata fo Au afa'dan, no kaiboik, Au akalala'ok-kana ma Au taon da'di nananitak.

YESAYA 48:5

Hu ndia de, neme makahulun-na mai, Au neuk basan so; ana beita da'di fa te, Au tui-bengan so, fo ela o boso mafa'da mae o dodoki-dudula sosongo-tatangom, tatao-nono'in ndia.

YESAYA 48:6

Basa Au dede'a nafa'da elang, fo o mamanenek-kala, ala da'di so; o muse manaku, mae Au hala-kokolang sila-la, la'en. Besak ia, Au tui-benga dede'a beuk-kala, nanabibila-babaak-kala, fo o beita bubuluk-kana fa.

YOHANIS 13:19

Besak ia, Au afa'da dede'ak ndia neu emi, beidai ana beita da'di ia fa, fo ela metema dede'ak ndia ana da'di soona, neukose emi mamahele mae, Au nde Ndia fo loken lae, AU NAI IA.

HATAHOLI 15:18

fo nafa'da basa dede'ak ndia, neme makahulun eli mai so.”

YOSUA 21:45

Manetualain tao natetu basa hala hehelun neu hataholi Israel-la; ta hapu esa boen, fo Ana ta tao natetu fan.