YESAYA 42:7 - Susula Malalaok Hehelu Palak Ma Hehelu Beuk

⁷ Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 42:7 ပူးပေါင်းရင်းမြစ်များ

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

YESAYA 29:18

Nai lelek ndia, neukose hataholi pakek-ka hapu namanene susulak nanalees esa, isi-liin, ma hataholi pokek fo, naka'sa so'dan-na nai makahatuk dale-a, neukose ana hapu nita.

YESAYA 35:5

Nai lelek ndia, hataholi pokek-ka, neukose nita, ma hataholi pakek-ka, neukose namanene.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 42:22

Tehu nako, namanako basa leoina ndia so; sila nanahukuk lai kama-kama manai dae buin-na, ma nanataok leo bui-la dalek leu. Ala da'di nakodaa paa nana'an, tehu ta hapu manatulu-fali fa.

YESAYA 49:9

Au adenu hataholi nanahukuk-kala kalua; fo manai mamana makahatuk-ka, Au os leo mangale'dok-ka mai. Nakalena, manai pupuku na'u tak-ka, ala to'a-taa fa, nana'ak-ka, nanasadiak su'di enok-ka nanalun-na.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESAYA 9:2

Manetualain, O fes namahoko matuaina, O taom-malas eeki-latadale. Lamahoko-setelee nanahu O dale malolem-ma, sama leo hataholi fo namahoko-setelee nai lelek fai ketu-kolun-na, do nai lelek ala baba'e bua kakalok-kala.

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

LUKAS 24:45

Basa boema, Yesus buka dudu'a-aafi nala fo ela lalelak Susula Malalao ka sosoa-ndandaan.

YOHANIS 9:39

Boema Yesus nafa'dan nae, “Au mai leo daebafa ka mai, fo Au aketu-ala'di, fo ela hataholi poke kala hapu lita, ma hataholi mananita kala pokes.”

YOHANIS 9:7

ma nafa'dan nae, “Mu leona, fo safe o mata panam nai Lifu Siloa ma.” (Siloam ndia, sosoa na nae, ‘Nananadenuk’.) Boema hataholi ndia neu safe mata panan leona. Ana safe basan de ana fali ma'in te, nita so.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

2 TIMOTIUS 2:26

No enok ndia, besa ka dale nala fali, fo latapo'i leme hihi'i Nitu fo mana pa'a nalas ala, de nakasetis fo ala tunga hihii-nanau na.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.