YESAYA 42:6 - Susula Malalaok Hehelu Palak Ma Hehelu Beuk

⁶ “Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 42:6 ပူးပေါင်းရင်းမြစ်များ

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

YESAYA 32:1

Mete leona, te neukose fain-na losa, manek esa, ana paleta no ndoos ma matetuk, ma leoina mauli-malangan-nala, lakalala'ok ndoos ma matetuk-ka.

YESAYA 41:13

Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

YESAYA 41:2

See kande, nadenuk manakoasa neme dulu mai, de ana fen sengi, nakandondoo henin? See kande, fen sengi leoinak-kala, ma mane-manek-kala, lakatele neun? Tafainan-na, taon-nalas ala lapu sama leo afu-a, kokou isin-na, tao tapasasalas sama leo anin-na fuu neni ha'deaik-ka.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 45:13

Au nde adenu Kores, soaneu nakalala'ok Au dale tutu'ung-nga ma napadedeik natetu ndoos ma matetuk-ka. Neukose Au tao-a basa enok fo, ana tungan-nana, latetu Neukose ana nafofo'a falik Yerusalem, fo Au kotang-nga ma ana soi-po'i Au anang fo, nanafook-kala ta no doi sosolo dalek, ma ta no sese'ba-babaek fa.” Manetualain Fo Manakoasa, nde manakokolak-ka.

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YEREMIA 12:16

Metetma ala sipok Au anang-ngala so'da salanin-nala no dale katematu, ma ala nau soo-supa no lafa'da lae, ‘Manetualain fo so'dak-ka,’ – samaleo makahulun-na ala lanoli Au anang-ngala soo-supak neu Baal-la – soona neukose sila da'di Au anang ma so'dan-nala latetu.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

HATAHOLI 13:47

Nana Lamatua ka fe ami paleta nde ia. Lamatua ka nae, ‘Au hele basa emi, da'di mangale'dok ba'eneu leoina ta Yahudi la, fo ela emi mini maso'dak fe hataholi daebafa ka lala'ena.’ ”

HATAHOLI 26:23

fo nde Mane Mana Fe So'dak, fo Manetualain helu ka, Ana muse doidoso ma Ana da'di hataholi makasososak fo naso'da falik neme mamate sa mai, fo ela no enok ndia, Ana hapu tui-benga mangale'do ka, fo nde maso'da ka, nau ba'eneu hataholi Yahudi la do hataholi ta Yahudi la boe.”

2 KORINTUS 1:20

Nana tunga Ndia, de Manetualain nafa'da basa nae, “Hei” neu basa hala hehelu na. Hu ndia de, ita tafa'da tae, “Amin” neu Manetualain, hu ka nde Yesus Kristus. Ami tao leondiak, fo ela Manetualain nanakoa-kiok.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 7:2

Boema Abraham fe Melkisedek baba'ek esa neme baba'ek sanahulu neu Melkisedek neme basa hata lala'en fo ana loso ninis neme musu dale mai. (Melkisedek na'de na, sosoa-ndandaa makasososa ka nae, “Mane Ndoos Matetuk”; ma hu ka nde Melkisedek ia manek neme Salem mai, soona na'dek ndia boeo sosoa-ndandaan nae, “Mane Mole-Dame”.)

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

IBRANI 8:6

Tehu besak ia, Yesus hapu bela-ba'u Ima ma, ndela-sa'an lenaheni imam-imam sila la bela-ba'un. Nanahu hala heheluk fo Ana ito-ato nai Manetualain no hataholi daebafa ka tala'da, nde bee na hala heheluk fo malole na lena, nanahu tunga hala heheluk soaneu dede'ak fo malole na lena.

IBRANI 9:15

Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.