YESAYA 42:5 - Susula Malalaok Hehelu Palak Ma Hehelu Beuk

⁵ Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 42:5 ပူးပေါင်းရင်းမြစ်များ

KEJADIAN 1:1

Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

KEJADIAN 2:7

Basa boema, Manetualain ho'i-na dae faa anak, de Ana taon-nan, nalupa hataholi esa, boema Ana fuu, ani hahaek fo maneni maso'dak-ka leo pana bolon dale neu; boema hataholi ndia, naso'da leona.

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

AYUB 27:3

au soo ae: Lelek Manetualain bei fe au ani hahaek, lelek samanek-ka bei nai au aong dale,

AYUB 33:4

Manetualain Duladalen-na, nakadada'dik au, de ana fe au maso'dak-ka.

AYUB 34:14

Leouni'ka, Manetualain ho'i falik, hataholi daebafak-ka samanen-na, ma Ana ho'i falik ani hahaek-ka,

MAZMUR 136:6

Ana bala daebafak-ka neu oe lain; susue-lalain manaketu-basa tak, losa dodoon-na.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 96:5

Leoina fe'ek-kala, lamatua daebafan-nala ka'da dodoki-dudula sosongo-tatangok mesan, tehu Manetualain nde bee-na, manamakadada'dik lalai maloaina.

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

YESAYA 40:12

See kande, ana diku liman-na fo ana uku tasi oe-a, do ana uku lalai-a, nenik ana tenga nenik lima ku'un-na? See kande, ana uku dae manai daebafak-ka, nenik tatais do ana tai letek ma pupukuk-kala, nenik tatais?

YESAYA 40:22

Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 48:13

Au limang-nga nde pe'da daebafak-ka buin-na ma nakapepela lalai-a. Metema, Au aloo na'den-na soona, ala mai no lai-laik.

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

YEREMIA 27:5

“Au akadada'dik daebafak-ka, ma hataholi daebafak-ka no basa bana-manu lala'en-na nenik Au koasang-nga fo matuaina, ma nenik Au be'i balakaing, fo Au apu fen neu see ndia boe fo Au ahiik-kana.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YEREMIA 38:16

Manek Zedekia ana helu au no nafufunik, nae, “Nenik Manetualain fo maso'dak-ka, Manetualain fo manafe so'dak neu ita, au supa-soo ae, au ta tao isa o, do au fe o neu hataholi fo mananau tao nisa o-a.”

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

AMOS 9:6

Manetualain nafofo'a Uman-na nai dook-ka nanseli, nai lalai Ana pasak lalai-a nai daebafak-ka poin-na, fo da'dileo Ndia danon, ma Ana po'a tasi oe-a leo dae ma'dak lain neu, fo manatao basa sila-la, na'den-na nde Manetualain!

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

HATAHOLI 17:24

Manetualain fo mana makadada'dik daebafak ia no basa oe isin lala'ena. Ndia nde bee na Lamatuak neu lalai a no daebafa ka. Ana ta leo nai nitu lalais ala uman, fo hataholi daebafa ka tao ka fa.

HATAHOLI 17:25

Ndia boeo ta paluu hataholi daebafa ka tutulu-fafalin fa, nana Ndia nde mana fe maso'da ka, ani hahae ka, ma basa hata lala'ena neu hataholi daebafa ka.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.