YESAYA 41:8 - Susula Malalaok Hehelu Palak Ma Hehelu Beuk

⁸ Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

YESAYA 41:8 ပူးပေါင်းရင်းမြစ်များ

2TAWARIKH 20:7

O nde ami Amam Manetualaim. Lelek O anam-mala, fo leoina Israel-la, mai leo nusak ia mai, O usiheni hataholi-hataholi fo nai lelek ndia ala leo leme ia. Boema O fe nusak ia neu O tia-laim Abraham tititi-nonosin, fo da'di sila dae-oen losa dodoon-na.

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

MAZMUR 136:21

Ana fe sila nusan-nala leo anan-nala neu; susue-lalain manaktu-basa tak, losa dodoon-na;

MAZMUR 136:22

fo da'di atan Israel pusakan; susue-lalain manaketu-basa tak, losa dodoon-na.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 29:22

Hu ndia de, Amak fo Israel Manetualain, fo manasoi-po'i Abraham-ma, nafa'da nae, “Neme besak ia, Au leoinang neukose ta hapu nakamumulu-nakamamaek so'on, ma matan-na ta fula-fula so'on, nanahu mamaek-ka.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

YESAYA 42:19

See kande, poken-na lena, neme Au atang Israel mai? See kande, paken-na lena, neme Au hataholi nadedenung-ngala mai?

YESAYA 43:1

Israel, Manetualain nafa'da nae leo ia, “Au nde akadada'dik, ma Au tao-ala o manuu lupak, boso bii, te tao leo bee-o, Au soi-tefa ala o! Au aloo basa o, nenik o na'dem-ma so, o nde been-na, Au nuung.

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 44:21

Manetualain nafa'da nae, “Hai Israel, mafandendelek basa ia-la, nana, o nde Au atang-nga. Au tao-ala o, manu lupak, de Au atang o, Israel, neukose Au ta afandele heni o fa!

YESAYA 45:4

Au aloo o, de Au fe o, na'de maha'da-holomatak, leomae, o ta malelak Au fa. Au fe o bela-ba'uk, fo tulu-fali Au atang Israel, nana Au leoina heheleng sila.

YESAYA 48:12

Manetualain nafa'da nae, “Mamanene leon Israel, fo Au alook-ka, O Manetualaim Au nahele. Au nde makasososak, ma Au nde mate'ek-ka boe.

YESAYA 49:3

Nafa'da au nae, “O nde, Au atang-nga; Neukose Au nananamatutua-namadedemak, hu kande o.”

YESAYA 51:2

Mafandendelek, emi bei-ba'i kaim Abraham ma Sara, fo manabongi emi-a; lelek Au aloo Abraham-ma, anan ta; boema, Au fen baba'e-papalak, ma Au fen tititi-nonosik makadotok.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YEREMIA 33:24

“Ade o tao afik basa neu hata fo hataholi-la kokolak basa neu Israel ma Yehuda? Ala lafa'da lae, Au tu'u-tapa heni leoina kaduak fo Au hele basak sila so. Hundia de, ala mete lakadadaek Au anang-ngala, ma ala ta tao sila da'di leo leoina esa fa.

IMAMAT 25:42

Hataholi Israel-la nde been-na Manetualain atan-nala; Ndia nde nos kalua leme Masir mai, hu ndia de ta bole mase'os da'di leo ata fa.

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

MATEOS 3:9

Boso maedaenga emi ba'im nde Abraham de, emi ta hapu Manetualain huhuku na fa! Mafandendelek te, Manetualain hapu tao Abraham tititi-nonosin neme batu ia la mai boe!

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

YAKOBIS 2:23

Dede'ak ndia nandaa no Susula Malalao ka lalanen esa nde ia nae, “Abraham namahele Manetualain, ma hu ka nde namahehelen ndia de, Manetualain sipo kana, da'dileo hataholi mana tao tunga Manetualain hihii-nanaun.” Hu ndia de loke Abraham lae, “Manetualain tia-lain.”