YESAYA 41:22 - Susula Malalaok Hehelu Palak Ma Hehelu Beuk

²² Mai leona, fo mafa'da ela, hata fo neukose ana da'di, fo ela ami bubuluk, mate'en-na leo beek Mafa'da manada'di makahuluk-kala leona, mafa'da mangalele'do sosoa-ndandaan, fo ela ami taoafik neun.

YESAYA 41:22 ပူးပေါင်းရင်းမြစ်များ

YESAYA 41:26

Nai emi dalek, see kande, nafa'dan neme makasososan mai nalosa ami bubuluk-kana? Tehu nai emi dalek, ta hapu esa nafa'dan boen, emi kokolak soona, ta hapu hataholi namanene fa

YESAYA 42:9

Besak ia, Au afa'da elak-ka, ana da'di so; Au nau afa'da dede'a beuk-kala; basa sila-la beita da'di fa te, Au afa'dan neu o so.”

YESAYA 44:7

See kande, sama leo Au? Madenun leona, fo ana manaku! Nemen-na fo, ana nafa'da, ma ana fe Au buti! See nafa'da ela so, la'eneu tepo lelek manamaik-ka, neme tepo lelek makasososak-ka, losa tepo lelek mate'ek-ka?

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YESAYA 48:14

Emi basa-basam-mala makabubua, fo mamanene leona! Nai lamatua daebafak-kala tala'da, ta hapu mananeuk-nala, nae Au hataholi heheleng-nga, neukose ana sapu-la Babel; neukose ana tao hata fo, Au ahiik-kana.

YESAYA 48:3

Manetualain nafa'da nae, “Mamanene leon, hai Israel! Hata fo, makahulun-na ana da'di, Au tui-bengan dook-ka so; hata fo Au afa'dan, no kaiboik, Au akalala'ok-kana ma Au taon da'di nananitak.

YOHANIS 13:19

Besak ia, Au afa'da dede'ak ndia neu emi, beidai ana beita da'di ia fa, fo ela metema dede'ak ndia ana da'di soona, neukose emi mamahele mae, Au nde Ndia fo loken lae, AU NAI IA.

YOHANIS 16:14

Neukose namatutua-namadedema Au, hu ka nde hata fo Ana sipon neme Au mai, Ana tui-bengan neu emi.