YESAYA 41:20 - Susula Malalaok Hehelu Palak Ma Hehelu Beuk

²⁰ Soona basa hataholi-la litan, ma ala bubuluk lae Au, Manetualain nde manataok-ka. Neukose ala taoafik, ma lamahele Israel Manetualain malalao-malalafun-na, nde manamakadada'ik-kana.”

YESAYA 41:20 ပူးပေါင်းရင်းမြစ်များ

AYUB 12:9

See, nai basa sila-la dalek, ana ta bubuluk, nae manamakadada'dik sila nde been-na, ka'da Manetualain mesak-kana?

MAZMUR 109:27

Soona, au musung-nga, neukose bubuluk, nae O tatao-nono'im ndia, ma nae O, fo Manetualain nde manataok-ka.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YESAYA 28:29

Manatee-tenok ndia, ana mai neme Manetualain Fo Manakoasa mai. Basa Manetualain dale tutu'un-na, manatee-tenok, de neni buna-boak tataas esa.

YESAYA 29:24

Hataholi nggoak-ka, neukose nanoli fo nalelak, ma hataholi fo mumu-mumu tataas esa, neukose namahoko sipo nanolik.”

YESAYA 40:5

Boema Manetualain matua-mademan, neukose nananatu'duk; basa hataholi daebafak lala'en-na, neukose lita matan. Tete'ek-ka, Manetualain mesak-kana, helu basan so!”

YESAYA 41:4

See kande, tao basa sila-la? See kande, naketu tutuik-ka eno-ma'an? Au, Manetualain, Au nde makasososak-ka, ma ahele losa mate'en-na.

YESAYA 43:15

Hai Israel, Au nde Manetualain, o Manetualaim fo malalao-malalafuk, o Manem, fo manamakadada'dik o-a!”

YESAYA 43:21

Sila nde leoina fo, Au akadada'dik-kasa ba'eneu Au, fo ela, ala hapu tui-benga kokoa-kikiok ba'eneu Au.”

YESAYA 44:23

Hai lalai, mamahoko-setelee leona, hai dabafak-ka buin-na, mamahoko-setelee leona! Hai letek-kala lemin, mamahoko-setelee leona! Ma basa ai manai dalek-kala! Nana Manetualain natu'du basa matua-mademan nenik Ana soi-tefa-na anan Israel so.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 66:14

Emi mita ndia soona, neukose emi mamahoko-setelee, ma emi da'di balakaik, ma so'da-la'dak sama leo na'u nulak-ka. Boema Au atang-ngala, neukose ala la'ola'di Au koasang-nga ma Au musung-ngala, neukose ala lame'da lita Au nasa-melung.”

YESAYA 66:18

Au bubuluk sila dudu'a-aafin ma tatao-nono'in. Au mai soaneu tao nakabubua basa hataholi-la, leme leoina lala'en-na mai. Nai lelek ala lakabubua, neukose ala lita Au koasang-nga.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

BILANGAN 23:23

Ta hapu mo'do-akidook tola Yakob fa ta hapu manasiula-tongonok fo, napalani nasasalematak no Israel fa. Neukose hataholi nafa'da la'eneu leoina ndia nae, ‘Mitak, manada'di beuk fo Manetualain taon!’

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.