YESAYA 41:18 - Susula Malalaok Hehelu Palak Ma Hehelu Beuk

¹⁸ Au tao-a lee-la, ala faa lai pupukuk fo, na'u tak-kala; ma neukose oemata, nasapula mai, nai masadokek-ka tala'da. Neukose Au tao moo solokaek-ka, da'di dano; neukose oe-a faa neme dae tuuk-ka mai.

YESAYA 41:18 ပူးပေါင်းရင်းမြစ်များ

MAZMUR 104:10

O fe oemata-la lasapupulak nai dokek-kala, leeanak-kala faa, lai pupukuk-kala tala'da,

MAZMUR 105:41

Ana fa'a ba'e batu-a, boema oe-a faa mai, de ana faa sama leo lee nai moo solokaek-ka.

MAZMUR 107:35

Ana tao nasafali moo solokaek-ka, da'di lifuina, ma dae tuuk-ka, da'di oemata.

MAZMUR 126:4

Ou Manetualain, tao mabebeu ami so'dam fo, sama leo lee ma'dak-ka, tehu naoe seluk nai fai oefaan-na.

MAZMUR 46:4

leomae tasi fo'a, fo lii-la lapoponu, ma pupukuk-kala dele, hu kande fefepa-lili'un.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YESAYA 30:25

Nai faik fo, emi musum-ma kota musun-nala nananakahapik, ma hataholin-nala nanatao nisak-ka, lee anak-kala, neukose ala faa leme basa letek-kala ma pupukuk-kala mai.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 33:21

Neukose, Manetualain natu'du matua-mademan neu ita. Neukose, ita taso'da nai lee maloa su'un-na fo, ofa musu-a ta tunga ndia fa.

YESAYA 35:1

Moo solokaek-ka, ma dae tuuk-ka, neukose lamahoko-setelee, bunga-la lakapela lai moo maloa.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 48:21

Lelek Au hela-noles tunga moo na'u tak-ka, ala ta doi-doso, hu kande maa ma'dak-ka fa. Manetualain fa'a ba'e lete batu-a, fo oe faa mai, Ana fe oe-a faa neme batu dale mai, fo ala linu.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

ZAKHARIA 14:8

Nai faik ndia, neukose oe neuk-ka ana faa neme Yerusalem mai; oe ndia seli, ana faa leo Tasi Mates-sa neu, ma seli, ana faa leo Tasi Tala'dak neu. Neukose oe ndia, ana faa tunga teuk, nau nai fai oefak, do nai fai hanas boe.

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”

HAKIM-HAKIM 15:19

Boema, Manetualain soi bolok nai pupuku batu manai Lehi ndia, de oe kalua neme bolok ndia mai. Simson ninu, de basa boema, name'da aon-na malole falik. Hu ndia de, loke oemata ndia lae Oemata Hakor. Oemata ndia bei nai Lehi.