YESAYA 41:16 - Susula Malalaok Hehelu Palak Ma Hehelu Beuk

¹⁶ Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 41:16 ပူးပေါင်းရင်းမြစ်များ

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 29:5

Tehu basa hataholi nusa dea fo, ha'da hataholi tak sila-la, neukose mopos, sama leo anin-na fuu neni afu, do ha'deuk-ka. No kaiboik ma ta bubuluk fa.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 40:24

Hataholi sila, sama leo bubu'u-palusa beuana, fo okan-na, besak-ka ana mulai mai. Metema Manetualain fuu anin-na mai soona, lamatuu, de anin-na fuu nenis, sama leo ha'deaik-ka.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

YESAYA 65:18

Mamahoko-setelee, ma hika-matadale losa dodoon-na, nanahu hata fo, Au akadada'dik-kana. Au akadada'dik Yerusalem beuk, fo henuk no namahoko-seteleek-ka, ma laun-nala, hika-latadale.

YEREMIA 15:7

Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

YEREMIA 51:2

Neukose Au hele hataholi deak fo neu tao nakalulutuk Babel-la sama leo anin-na fuu neni gandum loon-nala. Nai faik susa-soe ndia neukose ala sapu-la basa mamanak lala'en-na, ma sapu lan balisi.

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

DANIAL 2:35

Nai hatematak ndia boe, dodoki-dudulak ndia lala'en-na nakalulutuk, de ana da'di besi manadoudouk, dae ulek, liti, lilofulak, ma lilopilas fo noe henin sama leo afu nai keke'di gandum-ma mamanan-na, nai fai hanan-na. Anin-na fuu madoudouk ndia de ana lapu, nalosa ta la'oela leen faa anak boe. Tehu batu manatao natu'u dodoki-dudulak ndia namatua, boema ana da'di lete matuaina de henu basa daebafak-ka lala'en-na.

HOSEA 11:9

Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.