YESAYA 41:13 - Susula Malalaok Hehelu Palak Ma Hehelu Beuk

¹³ Nana Au Amak, fo o Manetualaim-ma, ho'u o lima konam-ma; Au afa'da ae, ‘Boso bii, te neukose Au tulu-fali o.’ ”

YESAYA 41:13 ပူးပေါင်းရင်းမြစ်များ

MAZMUR 109:31

Nana, nasala'e ma soi-tefa-nala hataholi nuu ta-hata tak-ka, neme hataholi fo, laketu huhuku mamates soaneun.

MAZMUR 118:7

Manetualain no au, fo Ana tulu-fali au, neukose au ita, au musung-nga kala.

MAZMUR 63:8

nana O nde manatulu-fali basa au-a; au akamee no namahokok, nai O li'da susuem-ma dalek.

MAZMUR 73:23

Tehu au ahele nai O matam-ma, de O ho'u-ma, au lima konang-nga.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

YESAYA 45:1

Manetualain hele basa Kores da'di manek so; Kores nananatu'duk, soaneu ana sengi leoinak-kala ma soaneu, helu la'di manek-kala koasan-na. Neukose Manetualain soiheni kota lelesuinan-nala ba'eneun, ta ela esa boen, fo nanakenak fa. Manetualain nafa'dan nae,

YESAYA 51:18

Neme o laum-mala mai, ta hapu manahela-nole o, ma neme hataholi manaleo lo o-a, ta hapu manahela-nole o fa.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YEREMIA 46:27

“Au anang Israel-lala lemin, boso bii-mamata'u! Au atang Yakob, boso nggenge boik! Neukose emi ma emi tititi-nonosim-mala neukose Au soi po'is neme nusa dook, nai mamanak fo emi nanafoo nenik-ka. Neukose emi me'um-ma fo leo nai emi nusa namom-ma no nenee-lino-linok. Neukose emi maso'da no ta nggenge-boik fa; ta palu emi bii hata esa boen.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

2 TIMOTIUS 4:17

Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.