YESAYA 41:11 - Susula Malalaok Hehelu Palak Ma Hehelu Beuk

¹¹ Mete leona, te basa hataholi fo lamanasa o-a, neukose ala mae, ma na'den-nala langgenggeo. Hataholi manala'ban o-a, neukose mate-mopon, fo mopon.

YESAYA 41:11 ပူးပေါင်းရင်းမြစ်များ

KELUARAN 11:8

Mate'en-na, Musa nafa'da nae, “Basa au Ama Maneng-nga, manapaletan-nala, neukose ala mai, fo ala sene-do'ok leu au matang-nga, ma loke fo ela au ma au leoinang-nga la'oela nusak ia. Basa ndia soona, neukose au la'o.” Boema Musa la'o ela manek-ka no namanasa nanseli.

KELUARAN 12:29

Fatila'dak ndia, Manetualain taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak.

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

YESAYA 29:5

Tehu basa hataholi nusa dea fo, ha'da hataholi tak sila-la, neukose mopos, sama leo anin-na fuu neni afu, do ha'deuk-ka. No kaiboik ma ta bubuluk fa.

YESAYA 29:7

Boema basa solda'du nusa dea, fo manasapu-la Yerusalem, kota fo Manetualain mei tunu-hotun-na, basa mana-makahapik-kala, ma mana-sapu-la kota ndia, fo tao lakalulutuk-kana, neukose mopos sama leo me'i-afek-ka, nai fai le'odaen-na.

YESAYA 29:8

Leoina fo, lakabubua soaneu sapu-la Yerusalem-ma, neukose sama leo hataholi kamala'ak fo, ana nalame'i na'a, boema ana fo'a no tei louk, do sama leo hataholi manamaa ma'dak-ka, fo nalame'i ninu, boema ana fo'a no botolii koko'don-na tuuk.

YESAYA 34:12

Ta hapu manek paleta nusak ndia fa, ma basa mauli-malangan-nala, mopok-kasa so.

YESAYA 40:17

Basa leoinak-kala, sosoa-ndandaan ta, ba'eneun, nono'kabai, hata ta nai matan-na fa.

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 41:24

Memak, emi ma emi tatao-nono'im ta, ma basa hataholi manasene-do'ok neu emi-a, ka'da nanamaluak mesan.

YESAYA 41:29

Tete'ek-ka, lamatua daebafak-kala, sosoa-ndandaan ta, sila ka'da dodoki-dudulak, fo tapandoes, ma ala ta bisa tao-lala hata esa boen.”

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YESAYA 49:25

Manetualain nataa nae, “Neukose, ndia nde da'di. Basa palani tatibatu-la, hataholi nanafoon-nala, neukose nanaloso falik. Hataholi fo, ana tao no ta pake ha'da hataholik-ka, bua-lo'a kakalon-nala, neukose hataholi loso-na seluk-kana. Nana Au nde, la'ban o musum-ma; neukose, Au soi-tefa o anam-mala.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 54:15

Metema o nanasapu-nak soona, Au ta nde adenu-a fa, su'di see fo, ana sapu-na o soona, neukose ana tu'da.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YEREMIA 12:17

Tehu leoina fa ala ta nau tunga Au fa soona, neukose Au fe'a henis sama leo bubu'u-palusa, ma Au tao amate-amopos. Au, Manetualain, de manakokolak-ka.”

YEREMIA 2:3

Israel, Au nuu heheling o, Au ana bonging, fo Au sue-laik-ka. Au fe soe-a, ana tuni-ndeni-nala, basa hataholi fo, manataon-na o doi-doso, Au, fo Manetualain nde manakokolak-ka.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

ZAKHARIA 12:3

Tehu neu faik bee, fo faik ndia losa soona, neukose Au tao-a Yerusalem, sama leo batu mabelaina; fo su'di leoina bee boe, ana so'u so'ban, soona ana hapu soe. Basa leoina manai daebafak-ka, lakabubua, fo leu sapu-la Yerusalem.

HATAHOLI 16:39

Boema leu loke ampon neu Paulus ma Silas, basa boema ala kalua duas leme bui dale mai. Lafa'da Paulus ma Silas, fo duas kalua leme kota ndia mai.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.