YESAYA 41:10 - Susula Malalaok Hehelu Palak Ma Hehelu Beuk

¹⁰ Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:10 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 31:5

Boema Yakob nafa'da duas nae, “Au ita emi amam, ta tao mangana'uk neu au so'on, sama leo mandoo fai-a fa; tehu Manetualain, fo au amang sene-do'ok-ka, nasulu-nahapa au.

KEJADIAN 49:24

Tehu Yusuf alun-na natea nahele, kokouisin-na natea nahele, nanahu Manafoo Mabe'i-balakai lea, Yakob Manetualain-na, Israel Manamasulu-mahapan-na, koasan-na.

2 SEMUEL 22:19

Ala sapu-la au, nai lelek soe-a tunu-ndeni au, tehu Manetualain da'di neu au manatulu-manafaling.

1 TAWARIKH 12:18

Hataholi esa neme hataholi sila-la mai, fo nde Amasai, fo basa boema ana da'di mauli-malangan neu nakabubuak fo loken lae “Tridasawira”, Manetualain Dula Dalen-na koasa-nan, boema nafa'da nae, “Dauk, fo Isai anan-na! Ami tia-to'ba o! Sa'di leo been-na, o ma sila manatulu-fali o-a, sila tulu-falin ta louk fa. Manetualain nok o!” Boema Dauk sipok-kasa, de ana so'us da'di malanga solda'du mademaina nai solda'dun-nala dalek.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

MAZMUR 144:11

Fe au ala hataholi ha'da hataholi tak-kala, tafainan-nala deak; soi-tefa-mala au neme hataholi nusa dea-la koasan-na mai, hataholi nusa dea fo, ala hii lasapepeko-lasandandali ma tipu-dai, ma soo pepekok.

MAZMUR 144:8

hataholi nusa deaf o, ala hii lasapepeko-lasandandali ma tipu-dai, ma ala soo pepekok.

MAZMUR 145:14

Manetualain tulu-fali hataholi fo, nai susa dale, ma Ana tao natetu hataholi makatelek-ka langan-na.

MAZMUR 147:12

Koa-kio Manetualain leona, hai Yerusalem! Koa-kio o Manetualain leona, hai Sion!

MAZMUR 18:36

Manetualain, O masulu-mahapa ma soi-tefa au, ma tia-to'ba au nenik O koasam-ma; au sengi, nanahu O tataom-ma.

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MAZMUR 37:17

Nana neukose, Manetualain helu la'di hataholi mangalauk-ka, koasan-na, tehu nasulu-nahapa hataholi malole-a.

MAZMUR 37:24

Metema-ana tu'da soona, neukose ta nakahina belak fa, nana Manetualain ho'u nahele liman-na.

MAZMUR 41:12

Metema musu-a, ta sengi au fa soona, au bubuluk ae O mook au.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 63:8

nana O nde manatulu-fali basa au-a; au akamee no namahokok, nai O li'da susuem-ma dalek.

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YESAYA 37:6

nadenu basa hataholi nadedenuk sila-la, landuku-lalosak hala heheluk ia, nae, “Manetualain nafa'da nae, ama manek boso bii mamanene, mane Asyur ndia atan-nala hala nafafa'dan fo, nae Manetualain ta hapu soi-po'i ita fa.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

YESAYA 44:2

Au nde Manetualain fo manamakadada'dik o-a, fo manafe o lupak, mulai neme o inam nailu o, ma manatulu-fali o. Boso bii, te Au atang-nga nde o, Au ana heheleng fo, Au sue-laik-ka.

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 50:9

Tete'ek-ka, Manetualain Fo Mademaina, nasala'e au, see napalani nafa'da nae, au asala? Basa manakalaak au-a, neukose mopok-kasa sama leo andae-a, na'a tema po'ok-ka.

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

DANIAL 10:12

Boema nafa'da au nae, “Danial, boso bii. Manetualain namanene o huhule-haladoim neme faik makasososan fo o ho'i nakeketuk soaneu o makaloe-makadae o aom-ma, fo ela o da'di manatee-tenok. Au mai da'dileo natataak neu o huhule-haladoim.

DANIAL 6:16

Basa boema, hataholi sila-la leu lafa'da manek-ka lae, “Ama Manek, ela leo been-na Ama Manek mafandendelek te, tunga Media ma Persia susula nakeketun-na, metema manek-ka kalua susula paleta soona, ta bisa ngati-nggati no fan.”

HOSEA 1:9

Manetualain, nafa'da au nae, “Foi o anam ndia na'de, ‘Au Anang Ta Ndia fa’, nana Au anang ta hataholi Israel-la fa, ma sila Manetualain ta Au fa.”

HAGAI 1:13

Boema, Hagai nanduku-nalosak Manetualain hala hehelun-na neu laun-nala, nae Manetualain naheluk basa, nae neukose nasulu-nahapas.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

ZAKHARIA 10:6

“Neukose, Au tao-a laun Yehuda-la balakaik, neukose Au soi-tefa hataholi Israel-la. Fo Au o falik-kasa leo nusan-na neu nanahu Au sue-lais. Neukose Au taos sama leo leoina, fo Au beita alelesi ita fas. Au nde Manetualain fo sila Manetualain-na, Neukose, Au taoafik seluk neu basa sila huhule-haladoin lala'en-na.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

LUKAS 1:13

Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis.

LUKAS 1:30

Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

2 KORINTUS 12:9

Tehu Lamatua ka nataa nae, “Au sue-lai o, de ndia dai o so, nana Au koasa nga balakai na lena, metema o nai tapandoe sa dalek.” Da'di au amahoko metema au tapandoe soona, nai lelek ndia nde au ame'da ita Kristus nasulu-nahapa au ninik be'i-balakain.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

HAKIM-HAKIM 6:16

Manetualain nae, “Tao leo bee-o, o bisa, nana neukose Au nde tulu-fali o. Neukose o bisa tao makalulutuk hataholi Midian-nala no mudak, nono'kabai o masasalematak mo ka'da hataholi esa mesak-kana.”