YESAYA 41:1 - Susula Malalaok Hehelu Palak Ma Hehelu Beuk

¹ Manetualain nae, “Bedenge leon fo mamanene Au, hai laun manai nusa dook-kala lemin. Maheheleaom, fo meu leo manakee-manafula meu tutulumatak fo, kalaak emi dede'am-ma. Mai fo, ata takabubua tala halak esa, soaneu taketu-tala'di, see ndoos ma see sala.

YESAYA 41:1 ပူးပေါင်းရင်းမြစ်များ

AYUB 38:3

Besak ia, o touk soona, masasale matak mo Au, fo mataa natatanek ia-la leona.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

YESAYA 1:18

Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 34:1

Hai leoinak-kala lemin, mai fo takabubua, ma mamanene leon-na. Nemen-na fo, basa daebafak-ka lala'en-na, ma basa hata maso'dak nai dalek-ka, ala mai fo lamanene.

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YESAYA 41:5

Laun nusa dook-kala lita hata fo Au tao basan so Ala nggenge, ma ala dele betoo, nanahu bibii-namata'uk-ka, boema, lakabubua sama-sama, de ala mai.

YESAYA 43:26

Fe Au nasanene'dak, fo mai fo ata teu leo manakee-manafula teu, fo kalaak o dede'am-ma, fo ela nananitak, nae o ndoos.

YESAYA 43:9

Madenu basa leoinak-kala lakabubua ma basa leo-leo-la, lakabubua. Nai sila lamatua daebafan-nala dalek, see kande nafa'da basa hata fo, ana da'di nai besak ia? Nai sila dalek, see kande ana hapu nafa'da nalak, tepo-lelek manamaik-ka? Nemen-na, fo sila sakasiin-nala tutulumatak, fo ala fe buti, lae sila ndoos, fo ela basa manalamanene sila lafa'da, lae memak leondiak!

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YESAYA 50:8

Nana Manetualain deka, Ana nafa'da nae, au salang ta. See nau nale'a no au? Mai fo, ata tutulumatak sama-sama. See kande la'ban au? Madenun fo, ana mai deka no au.

HABAKUK 2:20

Manetualain nai Uma malalao-malalafun dale. Ela leo been-na basa hataholi manai daebafak-ka, ta hala nai matan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.