YESAYA 40:5 - Susula Malalaok Hehelu Palak Ma Hehelu Beuk

⁵ Boema Manetualain matua-mademan, neukose nananatu'duk; basa hataholi daebafak lala'en-na, neukose lita matan. Tete'ek-ka, Manetualain mesak-kana, helu basan so!”

YESAYA 40:5 ပူးပေါင်းရင်းမြစ်များ

1RAJA-RAJA 14:11

O teidalem fo manamatek manai kota dalek, neukose busa la la'as, ma manamate nai kota deak-ka, neukose manupui la la'as. Mafandendelek te, Au nde Manetualain fo manakokolak-ka.’ ”

MAZMUR 102:16

Neukose leoina-la bii-lamata'u neu Manetualain koasan-na; ma basa mane-manek-kala, hia matua-mademan,

MAZMUR 102:17

metema Manetualain nafofo'a falik Sion, fo ana to'da mai, nai matua-mademan-na dalek.

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

MAZMUR 96:6

Matua-madema ma mandela-ma'ak-ka, poti nalan, koasa ma lole-napuk henu Uman-na.

MAZMUR 97:6

Lalai tui-benga ndoos ma matetun-na, ma basa leoina-la lita mandela-masa'an.

KELUARAN 16:7

Balahaa fafaik soona, neukose emi mita Manetualain mandela-masa'an. Manetualain namanene emi makamuu-muun; nana ami ia, ka'da tao hata fo Ana paletan.

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YESAYA 11:9

Ta hapu hata mangalauk ma nalutuk nai Sion, fo Manetualain Pupuku Malalao-malalafun-na fa. Neukose nusak-ka, henuk no malelak la'eneu Manetualain, sama leo oe henu tasi-a.

YESAYA 26:15

Ou Manetualain, O ta mamade'u ami, fo O anam-mala so, ma O tao mamaloa ami nusam-ma, hu ndia de, O nananamatutua-namadedemak.

YESAYA 34:16

Sangan fo lees-sana, nai Manetualain Susula Malalaon dalen-nae, Ta hapu bana sila-la esa boen, neukose mopon do pasan ta. Nana Manetualain paletan-na leondiak, de Ndia nde tao nakabubuas-sala.

YESAYA 35:2

Moo solokaek-ka, nakapela de bunan-na lakaseti, ma nakamee lelengoaon nenik nakamee namahoko-seteleek. Lole-napun, sama leo letek Libanon-na, be'i-balakain sama leo Bafak Karmel ma Saron. Boema basa hataholi-la neukose lita Manetualain koasan-na, ma ita Manetualain-na, matua-mademan.

YESAYA 40:4

Muse po'a ketu basa bafak-kala, tao natetu letek ma pupukuk-kala. Dae mapupukuk-ka, neukose ana da'di matetuk, ma manapeko-pakik-ka, neukose ana da'di ndoos.

YESAYA 41:20

Soona basa hataholi-la litan, ma ala bubuluk lae Au, Manetualain nde manataok-ka. Neukose ala taoafik, ma lamahele Israel Manetualain malalao-malalafun-na, nde manamakadada'ik-kana.”

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 52:10

Manetualain natu'du koasan-na, nai basa leoina lala'en-na, matan-na. Boema basa daebafak-ka lala'en-na, sakasii so'da-molek-ka, neme ita Manetualain-na mai.

YESAYA 58:14

Soona neukose emi mamahoko-setelee, nanahu emi makatele neu Au. Neukose Au tao-a emi da'di hataholi nananita-nalelak, nai basa daebafak-ka lala'en-na. Neukose emi maso'da no namahokok, nenik emi bei-ba'i kaim Yakob, dae pusakan-na, buna boan. Au, fo Manetualain nde manakokolak-ka.”

YESAYA 6:3

Esa naloo bou-bou neu esa nae, “Malalao-malalafuk, Malalao-malalafuk, Malalao-malalafuk. Manetualain Fo Manakoasa, malalao-malalafuk. Daebafak-ka, henuk no mandela-masa'an.”

YESAYA 60:1

Hai Yerusalem, fo'a fo da'di mangale'dok leona, nana o maso'da mangale'dom-ma, ana mai so; Manetualain nangale'do-na o, nenik mandela-masa'an.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

YESAYA 66:18

Au bubuluk sila dudu'a-aafin ma tatao-nono'in. Au mai soaneu tao nakabubua basa hataholi-la, leme leoina lala'en-na mai. Nai lelek ala lakabubua, neukose ala lita Au koasang-nga.

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

YEREMIA 32:27

“Au nde been-na Manetualain, fo basa hataholi Manetualain-na. Ta hapu fo matea ba'eneu Au fa.

YEREMIA 9:12

Boema au atane ae, “Manetualain, tao le'e de, po'ilotak nusak ia, ana da'di nusa tokotiik ma tuuk, sama leo moo solokaek-ka, nalosa ta hapu hataholi la'ok tunga ndia fa? Ade hapu hataholi malelan-na dai, soaneu nalelak basa ia-la do? Au afa'da mangalele'don neu see, fo ela ana hapu nakalala'ok-kana leo hataholi fe'ek neu?”

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

MIKHA 4:4

Neukose hataholi-a esa-esak naso'da nee-nee lino-lino, ma so'da-molek nai osi angol ma osi ai kaan-na tala'da; neukose ta hapu hata nakatata'u fan, Manetualain Fo Manakoasa, hehelu-balataan nde ndia.

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

LUKAS 3:6

Basa hataholi manai daebafa ka lala'ena, neukose lita tao leo beek fo Manetualain soi-tefa na hataholi daebafa ka!’ ”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 12:41

Yesaya nafa'da nae leondia nana, nita basa Yesus matua-mademan so. Hu ndia de ana kokola kana.

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

HATAHOLI 2:17

Manetualain nae, ‘Neu fai mate'e ka te neukose Au akona Au Dula Dale nga neu basa hataholi lala'ena. Emi ana tou mala ma emi ana ina mala, neukose lafa'da emi basa dede'ak fo Au afa'da neus ala. Neukose emi hataholi muli-solu mala, lita basa dede'ak fo Au atu'du neus ala. Neukose emi hataholi lasi mala, lalame'i me'is fo Au fe neus ala.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.