YESAYA 40:22 - Susula Malalaok Hehelu Palak Ma Hehelu Beuk

²² Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

YESAYA 40:22 ပူးပေါင်းရင်းမြစ်များ

KEJADIAN 1:6

Basa boema, Manetualain kokolak nae, “Buas esa, sama leo uma hunuk-ka, da'di leona, fo ela ana ba'e oe ndia neu dua, de Ana kena ketu oe ndia, nai mamana mana kofe'ek dua dalek.” Boema, ana da'di leona. Leondiak, Manetualain taon-na buas esa, sama leo uma hunuk-ka, fo ana ba'e oe manai uma hunuk ndia dae, neme oe manai uma hunuk ndia lain.

AYUB 22:14

O maedaenga, ko'as-sa babaa ketu mata memeten-na, ma o mae Ana la'ok ka'da nai lalai no daebafak-ka, toon-na do?

AYUB 26:7

Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

AYUB 36:29

Ta hapu hataholi esa boen, nalelak ko'as-sa leleo-lala'on fa, boema mangguluk-ka, nanggulu nai lalai, nai mamanak fo, Manetualain leo.

AYUB 37:18

O bisa sama leo Manetualain, fo makapepela lalai maloa, de Ana tao natean sama leo liti nanapolik-ka do titinok-ka?

AYUB 9:8

Ana nakapepela lalai, ta no tutulu-fafalik neme su'di see mai boen; Ana heheta-aa'i buta tasi-a muliha'in-na.

MAZMUR 104:2

ma O malu'e mangale'dok-ka. O bela lalai-a, sama leo lalaa temak-ka,

MAZMUR 18:11

Ana sa'e mahahae nusa so'da mali'dak-ka kerub de Ana laa; Ma naleu-nalaak nai anin-na li'dan lain.

MAZMUR 19:4

Ta hapu manamahalak do manakokolak fa, ta hapu halak fo nananamanenek fa.

MAZMUR 2:4

Manetualain hika neme kandela manen manai nusa so'dan-na mai, ma Ana hakinonoli sila dale tutu'un-na.

MAZMUR 29:10

Manetualain koasa neu faa tuak-ka Ana koasa da'di leo Manek, losa dodoon-na.

MAZMUR 68:33

Makamee ba'eneu Manetualain leona, hai basa nusak-kala lemin, makamee nakamee kokoa-kikiok ba'eneu Manetualain,

AMSAL 8:27

Au sakasii matang nai lelek lalai-a nanalofak, ma lalai-a nanabetubalak nai tasi poin-na.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

YESAYA 40:15

Ba'eneu Manetualain soona, leoinak-kala, sama leo oe titik esa nai haik dale, sama leo afu faa anak nai tatais lain; nusak-kala, da'uanak sama no afu sopuk-ka.

YESAYA 40:17

Basa leoinak-kala, sosoa-ndandaan ta, ba'eneun, nono'kabai, hata ta nai matan-na fa.

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

BILANGAN 13:33

Nakalenak, ami mita hataholi-la, sama leo hataholi ao matua, ei madema-la, fo nde hataholi Enak-kala tititi-nonosin-nala. Metema nakasasamak ami mo hataholi sila-la soona, ami mame'da-nana, ami sama leo lamak-ka, de tao leo bee-o, sila boeo dale nameme'dan-na leondiak soaneu ami boe.”