YESAYA 40:10 - Susula Malalaok Hehelu Palak Ma Hehelu Beuk

¹⁰ Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

YESAYA 40:10 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MAZMUR 110:6

Neukose, Ana huku leoina-la, nalosa popolan-nala tonggela. Neukose, Ana tao namopo-namate basa manakoasa, manai daebafak-ka poin-na lala'ena.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

YESAYA 28:2

Neukose Manetualain nadenu hataholi balakaik, ma ao makadelek esa. Mamain-na sama leo sangu-a sama-sama no u'da eis-sa, sama leo u'da ina ma faa manenik-ka.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 49:4

Tehu au afa'da ae, “Au sosota-mamangung, palsuma; au basa au be'i-balakaing, no sosoa-ndandaa tak!” Tehu au amahele Manetualain nasala'e au hak-ka, Manetualain balas au, tunga au tatao-nono'ing.

YESAYA 51:5

So'da-molek fo Au fek-ka, ana deka so; nai lelek Au sesenging-nga, hihiinae losa. Neukose Au mesang-nga, nde paleta leoinak-kala Nusa dook-kala, lahani talu-talu lo Au, ma lamahena Au tatao-nono'i matuainang-nga.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YESAYA 59:16

Ana dodoo doak-kana, nae ta hapu hataholi tutulumatak fa, ma ta hapu manamasala'e fa. Boema, Ana pake koasa mesan-na, soaneu soi-tefa, ma fes sesengik.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YESAYA 63:5

Au sanga, tehu ta hapu manatulu-fali fa, Au dodoo doak-kana, ae ta hapu manafali fa. Boema, Au be'i-balakaing mesak-kana, nde tulu-fali Au-a, Au nasa-melung tulu-fali Au.

YEREMIA 31:16

Kii-namatani mate'e leo ma hali mama'da o lu oem-ma leona! Ta mopo o sosota-mamangun neu o anam-mala fa. Ba'eneu o soona neukose hapu toto'bak, o anam-mala fali ma'is leme musu-a nusak.

MALEAKHI 3:1

Manetualain Fo Manakoasa, nataa nae, “Neukose Au haitua Au hataholi nadedenung-nga ne'i, fo ana sadia enok ba'eneu Au. Boema no kaiboboik, Au, Manetualain fo emi sanga-ka, neukose, Ana mai leo Au Umang mai. Au hataholi nadedenung fo emi mahiik ana mai ndia, neukose ana mai, fo ana po'a-benga Au hehelu-balatang.”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

YOHANIS 12:13

Boema ala ho'i ai palem do de leu solu kana. Ala eki bekao lae, “Koa-kio Manetualain leona! Baba'e-papalak ba'eneu Ndia fo Ana mai no Manetualain na'de na. Baba'e-papalak ba'eneu Mane Israe la!”

YOHANIS 12:15

“Boso bii-mamata'u, ana fe'oana Sio na lemin! Mete leona te, o Mane ma Ana mai, Ana sa'e keledei ana esa!”

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 22:12

Yesus nae, “Taoafik neu dede'ak ia leona! Ta doo ka so'on te neukose Au mai uni ngga'di soaneu bae hataholi a esa-esak tunga hata fo ana tao-no'i nana.