YESAYA 4:3 - Susula Malalaok Hehelu Palak Ma Hehelu Beuk

³ Bei ela hataholi manai Yerusalem-mala, hataholi fo Manetualain heles soaneu nanasoi-tefak-kala, neukose lokes lae, malalao-malalafuk.

YESAYA 4:3 ပူးပေါင်းရင်းမြစ်များ

MAZMUR 69:28

Nemen-na fo, sila salan-na, boetai lamaba'uk-ka; boso mafa'da mae, sila ndoos.

MAZMUR 87:6

Neukose Manetualain sulak leoina-la leo laun Yerusalem-ma, susulan dale neu.

YESAYA 1:27

Manetualain ndoos ma matetuk, boema Ana soi-tefa-na Yerusalem, ma hataholin fo manasale dalek-kala.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 46:3

Mamanene Au, hai Yakob tititi-nonosin-nala, emi basa-basam fo Au anang bei elak-kala lemin. Au akaboboi emi neme lelek bongi emi mai so.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 62:12

Neukose, sila nanafoik na'de: ‘Hataholi malalao-malalafuk’; Hataholi fo, ‘Manetualain soi-tefa-nalas’. Neukose, loke Yerusalem lae, ‘Kota fo Manetualain dalen-na, tu'da neun’, ‘Kota fo Manetualain ta la'oelan so'on’.”

YESKIAL 13:9

Neukose Au huku emi, hai nabi-nabi fo, manakokolak dede'a-nafa'da elak pepekok-kala, ma malame'i hapu ninitak-kala! Emi ta bole masok leo Au anang-ngala nakabubuan-nala dalek meu, fo fe nakeketuk so'on. Emi na'dem-mala, nanakokahenik nai Israel susula ba'in-na dalek so, ma neukose, emi ta fali leo emi dae-oem meu so'on. Soona besak-ka, emi bubuluk mae Au nde, Manetualain Fo Mademaina.

YESKIAL 43:12

Nakeketuk la'eneu Manetualain Uman-na nde ia: Basa mamanak manai letek ndia poin-na lala'en-na, nde been-na malalao-malalafuk.”

YOEL 3:17

“Hai Israel, besak ia neukose emi bubuluk, mae Au nde Manetualain fo emi Manetualaim-ma. Au leo nai Sion, fo Au lete malalao-malalafung-nga. Soona Yerusalem boeo, ana da'di kota malalao-malalafuk, neukose hataholi nusa dea ta neu leo dalek neu so'on.

OBAJA 1:17

“Tehu neukose, hapu nggelok laso'da nai lete Sion-na, fo letek ndia ana da'di mamana hehelik soaneu Au. Soona neukose, Yakob tititi-nonosin hapu falik sila dae pusakan-na.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

HATAHOLI 13:48

Nai lelek leoina fe'ek fo hataholi ta Yahudi la lamanene dede'ak ndia, boema lamahoko lanseli, de ala koa-kio Manetualain dede'a-kokolan. Ma hataholi fo Manetualain hele basa kala lamahele ala hapu so'da matetu ka, ma mana ketu basa ta ka.

ROMA 11:4

Boema Manetualain nafa'da Elia nae le'e? Manetualain nae, “Au hele basa Au hataholing lifun hitu so. Hataholi sila beita songo-tango lita Nitu Baal la fa.”

ROMA 11:5

Leondiak boe besak ia: hu no Manetualain susue-lalain de Ana hele basa hataholi lumanak so.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

FILIPI 4:3

Soaneu au tia-lai malalau-maoono mana lilineka ngala, au oke fo daenga tolanoo kala tulu-fali tolanoo inak ka duak sila la. Nanahu duas boeo, ala tao-no'i sota mate lo au, soaneu tui-benga Manetualain Hala Malole na; sama na leo Klemen ma basa tolanoo fe'ek fo mana tao-no'i sama-sama lo au a. Sila na'de nala nanasulak nai Hataholi Maso'da kala susulan dale.

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 17:8

Bana ndia makahulu na naso'da hai so, tehu besak ia ta naso'da so'on. Ba'ihanak seluk faa bai te, neukose ana kalua neme faka mamates dale mai, fo nasasale matak no momopo-mamate sa. Hataholi fo laso'da nai daebafa ka, fo na'de nala ta nanasulak nai Susula Hataholi Maso'da ka dalek te daebafak ia beita nananakadada'dik fa, neukose ala dodoo doa kana, metema lita bana ndia. Nana bana ndia makahulu na naso'da hai so. Besak ia ta naso'da so'ok, tehu neukose ana to'da mai seluk.

NINITAK 20:15

Hataholi fo na'de na ta nanasulak nai Susula Hataholi Maso'da ka dalek, nanatapak leo tasi ha'ik dale neu.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.

NINITAK 3:5

Hataholi fo manasengi koasa makahatu ka, neukose ala fes pake ba'du manalu fulak ndia boe. Neukose Au ta kokaheni hataholi ndia na'de na neme susulak hataholi maso'da ka dalek mai fa. Ma nai Au Amang ma ata nusa so'da nala matan, neukose au manaku ae, sila nde bee na Au nuu ngala. Nai lelek Au apadeik nai Au amang matan sama-sama o basa mahahaek fo malalalau-maoono nana, neukose Au afa'da ae, Au alelak hataholi sila la.