YESAYA 39:8 - Susula Malalaok Hehelu Palak Ma Hehelu Beuk

⁸ Boema manek Hizkia nataa nae, “Manetualain hala hehelun fo, o manduku-malosak-kana neu au-a, malole boe.” Ana nataa nae leondia nanahu, ana dodoo nae, “Sa'di au nusang-nga, nee-nee lino-linok nahele, ma mole-dame, nai lelek au bei aso'da.”

YESAYA 39:8 ပူးပေါင်းရင်းမြစ်များ

2 SEMUEL 15:26

Tehu metema, Manetualain ta sue-lai au fa soona, au sadia sipok hata fo Ana taon la'eneu au aoinang-nga!”

2TAWARIKH 32:26

Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.

2TAWARIKH 34:28

hu ndia de, neukose Au ta aketu huhukuk neu Yerusalem nai o fai maso'dam-ma dalek fa. Neukose Au fe loak mate no mole-dame.’ ” Boema hataholi nadedenuk sila-la fali ma'is leo manek-ka mai de landuku-lalosak hala-heheluk ndia.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

RATAPAN 3:39

Tao le'e de, hataholi-a muse haladoi metema nanahukuk hu kande sala-singon?

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

1 PETRUS 5:6

Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.

SEMUEL SUSULAK-KA ESAN-NA 3:18

Boema Semuel nafa'da la'iesak-kana neu Eli. Ta nafuni dede'ak de'ek esa boen. Basa boema Eli nafa'da nae, “Manetualain nde ndia, de nemen-na, fo Ana tao hata fo Ana meten malole.”