YESAYA 38:5 - Susula Malalaok Hehelu Palak Ma Hehelu Beuk

⁵ fo ana fali ne'un leo Hizkia neu, fo nanduku-nalosak hala heheluk-ka nde ia nae, “Au, Manetualain fo, o ba'i kaim Dauk sene-do'ok-ka, amanene basa o huhule-haladoim, ma Au ita o luuoem-ma so. Neukose, Au bei fe o maso'da seluk, teuk sanahulu lima bai.

YESAYA 38:5 ပူးပေါင်းရင်းမြစ်များ

1RAJA-RAJA 15:4

Tehu, hu kande Mane Dauk ka, boema Manetualain fo Dauk sene-do'ok-ka, fe basa Abiam, ni'iana esa fo ana paleta nggatin nai Yerusalem fo nanea nahele kota ndia.

1RAJA-RAJA 8:25

O boeo maheluk basa moo au amang mae metema tititi-nonosin te'e-te'e ala tunga Au sama leo ndia, soona neukose o tititi-nonosim da'di manek neu Israel tataas esa. Besak ia, ou Amak, fo Israel Manetualain na, tao matetu basa hata fo O helu basan neu au amang Dauk, fo O atam ndia.

2RAJA-RAJA 18:13

Hizkia, fo manek Yehuda, paleta neu teu ka 14-na boema, Sanherib, fo mane Asyur-ra, sapu-na, Yehuda kota makota musun-nala, de ana sengi.

2RAJA-RAJA 18:2

Nai lelek ndia, teun 25, de ana paleta nai Yerusalem, nai teuk 29 dalen-na. Inan na'de Abia, fo Zakharia anan-na.

2RAJA-RAJA 19:20

Basa boema, Yesaya haitua fe Manek Hizkia, hala-heheluk, fo da'di leo natataak neu manek-ka huhule-haladoin,

2TAWARIKH 34:3

Yosia da'di manek teuk falu, fo nai lelek bei muli-soluk nanseli boema, ana mulai sene-do'ok neu Manetualain fo ba'in Manek Dauk-ka sene-do'ok-ka. Basa teuk haa boema, ana mulai tao nakalulutuk mamana sosongo-tatangok-kala, lamatua daebafa Inak Asyera dodoki-dudulan, ma sosongo-tatango fe'e-fe'ek-kala.

AYUB 14:5

O maketu basa, hataholi daebafak-ka, teun-na so; O maketu basa bulan-na, dede'un-na so. O maketu so'dan-na, too-lanen boe; de ta bisa, ana nggani seli fan.

MAZMUR 116:15

Manetualain nasasale dale nanseli, metema mate hataholi susue-lalain esa.

MAZMUR 147:3

Ana tao nalea-nahai hataholi fo, dalen-na he'dis-sa, ma Ana popoti-papalu bisun-nala.

MAZMUR 39:12

O fepa-li'u hataholi esa nenik huhukuk nanahu salan-na, ma O tao makalulutuk lole-napun sama-na leo andae-a; Tete'ek-ka, hataholi daebafak-ka sama leo ka'da ani hahaek-ka.

MAZMUR 56:8

Ade, hapu so'da-molek ba'eneu sila tatao-nono'i mangalaun-na do ta? Tao mamopo-mamates, lai O nasa-melum dalek, ou Manetualain.

MAZMUR 6:9

La'o leona, hai hataholi mangalauk-kala lemin, nana Manetualain namanene basa au kikii-makaleleung so.

PENGKHOTBAH 3:3

faik soaneu nanisa, ma faik soaneu nakahahaik, faik soaneu ofe henin, ma faik soaneu nafofo'an.

YESAYA 37:21

Basa boema, Yesaya haitua fe Manek Hizkia hala heheluk, nae fo da'di leo natataak neu manek-ka huhule-haladoin,

YESAYA 38:4

Yesaya la'o boema, Manetualain nadenun

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’

MATEOS 22:32

‘Au nde Abraham Manetualai na, Isak Manetualai na, ma Yakob Manetualai na.’ Manetualain ndia, hataholi mana mate kala Manetualain ta ndia fa. Hataholi maso'da kala Manetualain ndia!”

LUKAS 1:13

Tehu ata nusa so'dak ndia nafa'da nae, “Boso bii, Zakharia! Manetualain namanene basa o huhule-haladoim so. O saoinam Elisabet, neukose ana bongi na ni'iana touanak esa, fo o muse foin na'de Yohanis.

HATAHOLI 27:24

de nafa'da au nae, ‘Boso bii Paulus! Te neukose o muu mataa Kese la. Ma hu no Manetualain dale malole na neu o de basa hataholi manai ofak ia lai na laso'da beno'u nanahu o.’

2 KORINTUS 7:6

Tehu ami moke makasi ba'u ka, nana Manetualain tao natea-hahele hataholi manaketu namahehena kala dale nala tataas esa; Ana tao na ami dale ma loa-loak mesan ninik Titus mamai na.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”