YESAYA 38:16 - Susula Malalaok Hehelu Palak Ma Hehelu Beuk

¹⁶ Ou Manetualain, fe au aso'da inik O dede'a-kokolam, ma O tatao-nono'i ma, nemen-na fo, au aso'da ka'da soaneu O.

YESAYA 38:16 ပူးပေါင်းရင်းမြစ်များ

MAZMUR 119:25

Au akandondoo nai daesopuk dale; tao mabebeu au so'dang-nga, tunga O hehelu-balataam.

MAZMUR 119:71

Memak, malole lenak O huku au, fo ela au alelak O nakeketum-mala.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 30:3

Ou Manetualain, fo au Manetualaing-nga, au aloo bou-bou neu O, au oke tutulu-fafalik, ma O tao malea-mahai au.

MAZMUR 39:13

Mamanene au huhule-haladoing, ou Manetualain, taoafik neu au dokodoeng-nga; boso denge-denge, metema au kii. Sama leo basa au bei-ba'i kaing-ngala, au leo o O ka'da ba'ihanak mesan.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

YESAYA 64:5

O soluk hataholi dale ndoos, fo naso'da tunga O hihii-nanaum. O mamanasa ami, tehu ami masala-masingo mahele, memak neme makahulun-na mai, ami masala.

MATEOS 4:4

Yesus nataa nitu a nae, “Nai Susula Malalaok dale nanasulak nae, Hataholi a ta naso'da ninik ka'da loti a mesa kana fa, tehu hataholi a naso'da neme Manetualain dede'a-kokolan mai boe.”

1 KORINTUS 11:32

Tehu metema Manetualain huku ita soona, ita bei nanananolik fo ela huhuku ka boso la'e ita sama-sama no daebafak ia.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

IBRANI 12:9

Ita tanuu amak nai daebafa ka. Ana nanoli ita, ma ita fe ha'da-holomata neun. Naa, muda hata no ita Ama samanen manai nusa so'da ka bai, tao leo bee o ita muse takatele neun, fo ela ita taso'da.