YESAYA 38:14 - Susula Malalaok Hehelu Palak Ma Hehelu Beuk

¹⁴ Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

YESAYA 38:14 ပူးပေါင်းရင်းမြစ်များ

AYUB 17:3

Au ia hataholi dale ndoos, ou Manetualain. Mamahele neu au leona! See bai, fo bisa ana tia-to'ba au dede'a-kokolang?

AYUB 30:29

Au halang-nga noi-noi, henuk no dale he'dik-ka sama leo busa fuik-ka no onta, kikiin-na.

MAZMUR 119:82

Au matang-nga sota-mangu no nahani O tao matetu O hehelum-ma, au afa'da ae, “Neukose faihi'da de'i fo O kokoe-nanasi au?”

MAZMUR 143:7

Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

MAZMUR 55:2

Ou Manetualain, mamanene au huhule-haladoing leona, boso lepos masadea au dokodoeng-nga.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

YESAYA 59:11

Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

NAHUM 2:7

Musu ho'un-na Ina Manek-ka, de anafe'oana malalau-maoonon-nala lakadii-lakau ma ala kii-makaleleu, ala haladoi sama leo manupui kalua, ma ala babapa fanan-nala nanahu ala susa.

NAHUM 2:8

Laun manai Niniwe-la lalai tapasasala, sama leo nalutu te'te-a, de oen-na kalua. Halak-ka nggasi-ma nae, “Mate'e, mate'e!” Tehu ta hapu manafalik fa.

IBRANI 7:22

No enok ia boe, de Yesus da'di bua nape'dak soaneu hehelu-balataak esa, malole na lena bai.