YESAYA 38:12 - Susula Malalaok Hehelu Palak Ma Hehelu Beuk

¹² Ketu au ani hahaeng-nga, au fai mamateng-nga losa, sama leo manafoo-a, ana ofe heni lalaa teman-na; sama leo temak-ka nanake'di henik, neme tetenuk lain mai; au aedaenga, neukose Manetualain tao nate'e au so'dang-nga.

YESAYA 38:12 ပူးပေါင်းရင်းမြစ်များ

AYUB 14:2

Ana napena, ma ana male, sama leo bunga; mopok-kana, sama leo salaok-ka, fo mopon nakandoo.

AYUB 17:1

Au le'do-faing deka so, de hihii nae, ketu au hahaeng-nga; ka'da bolo mamates-sa, nanasadiak ba'eneu au.

AYUB 4:20

Mahahaek ndia, naso'da nai fai fafain-na, boema maten nai fai le'donoson-na, fo ta nafandelen so'on, losa dodoon-na.

AYUB 6:9

Sa'di leo been-na, Manetualain nau tao nakalulutuk au! Sa'di leo been-na, Manetualain ho'i nakeketuk fo taonisa au!

MAZMUR 102:11

nana O so'u-ma au, de O tapaheni au nai O nasa-melum, manapila lo'a-lo'am-ma dalek.

MAZMUR 119:23

Leomae basa manakoasa-la lakabubua, fo la'ban au, tehu O atam ia, neukose tai-dodoo O nakeketum-ma.

MAZMUR 31:22

Kokoa-kikiok ba'eneu Manetualain! Susue-lalain ba'un-na seli ba'eneu au, nai lelek au nananakahapik ma nanasapu-nak.

MAZMUR 73:14

Nana nai fai katemak esa dalen-na, ua-nale ta malole-a, tuni-na au; tunga-tunga fafain-na, au nanafepa-li'uk.

MAZMUR 90:5

O tao-ma ami bolo; ami sama leo me'is-sa, sama leo na'u fo nape'du;

YESAYA 1:8

Ela ka'da Yerusalem, tehu lakahapi-la seli, de ta nakatatakak so'on, sama leo lalaak-ka nai osi angol dale, do moa nai osi titimupokok dale.

YESAYA 13:20

Neukose ta hapu hataholi esa boen, ana leo seluk nai naa fa. Ta hapu hataholi Arab manaleu-laak, fo neukose napadedeik lalaa teman-na, nai mamanak ndia fa, ma neukose ta hapu manafoo, ana foo bi'ihii bi'ilopon-nala leu la'a na'u nai ndia fa.

2 KORINTUS 5:1

Nana ami bubuluk basa, uma fo nde ao paak fo ita leon nai daebafak ia, nanaofehenik soona, Manetualain sadia fe ita uma esa nai nusa so'da ka. Manetualain nde tao matan uma ndia de napadeik nahele losa dodoo na.

2 KORINTUS 5:4

Nai lelek fo ita bei leo nai uma manai daebafak ia dale ka, ita honggu'u, nana ita lelepa mabela na. Ta hu ka nde ita nau tatapo'i teme ita ao paa daebafa na mai fa, te hu ka nde ita nau pake ita ao paan maneme nusa so'da ka mai, fo ela ita ao paan fo bisa maten ia, nanatao nasafalik da'di ao paa maso'dak.

IBRANI 1:12

Neukose O didiku lalai no daebafa ka, sama leo ba'du a, ma neukose O nggatis ninik fe'ek. Tehu ta la'iesa fo O da'di masafali fa, ma O so'da ma neukose mate'en ta.”

YAKOBIS 4:14

Emi ta bubuluk hata fo neukose ana da'di neu emi so'da ma, nai fai balahaa na fa! Emi sama na leo ka'da ko'de ndenu ka fo titan ka'da hatematak esa mesan, tehu basa soona, ana sapu-lalo.