YESAYA 37:3 - Susula Malalaok Hehelu Palak Ma Hehelu Beuk

³ Ala landuku-lalosak Hizkia hala hehelun-na nde ia, neu Yesaya, “Faik ia, fai susa; ita nanahukuk ma nananakamumulu-nakamamaek. Ita sama leo inak fo, ana sanga bongi, tehu balakain ta so.

YESAYA 37:3 ပူးပေါင်းရင်းမြစ်များ

2RAJA-RAJA 19:3

Hizkia hala hehelun, fo ala landuku-lalosak-kana neu Yesaya, nde ia, “Faik ia fai luu-mata pinu-iduk; ita nanahukuk, ma nananakamumulu-nakamamaek. Ita sama leo, inak fo hii-hii nae bongi, tehu be'i-balakain ta so.

2TAWARIKH 15:4

Tehu lelek fo lai toto'a-sosotak-ka dalek, besak-ka loke tutulu-fafalik neu Amak, fo Israel Manetualain-na. Ala loke natutu'dun-na, de Ana fen mai.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

MAZMUR 95:8

“Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

YESAYA 22:5

Memak, Manetualain Fo Mademaina, ma Manakoasa, naketu basa faik ia, da'di leo fai sese'do-babalik, fai nakalupuk, ma fai tasi'bu nai Bafak Ninitak-ka. Kota papala nanadaman-nala, nanatao natu'uk so. Ngganggasik fo manoke tutulu-fafalik-ka, nadodolo nai pupukuk-kala lain.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 29:2

Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 66:7

Au kota malalao-malalafung-nga, sama leo inak esa, ana bongi te ana beita nahoo he'di bobongik fa, fo ana bongi ni'iana touanak, te ana beita name'da he'di bobongik fa.

YESAYA 66:9

Boso maedaenga, Au o Au anang-ngala, losa fai bobongin-na, ma ta po'ilotak-kasa nanabongik fa.” Manetualain nae leondia.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 5:9

Neukose, mopo-mate Israel, nana fai huhukun-na, losa so. Hai laun Israel-la lemin, mamanene leona, te tao leo bee o, neukose dede'ak ndia, ana da'di.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.