YESAYA 32:7 - Susula Malalaok Hehelu Palak Ma Hehelu Beuk

⁷ Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 32:7 ပူးပေါင်းရင်းမြစ်များ

MAZMUR 119:95

Hataholi managaluk-ka nahani, fo ana sanga taonisa au, tehu au nau taoafik neu Ohoholo-lalanem.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

YESAYA 5:23

Tehu ka'da soaneu hapu doi sosolo dalek-ka, de emi po'i hataholi masalak-ka, ma emi kena-ka'i hataholi sala tak-ka, fo ana boso hapu ndoos ma matetuk-ka.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

MIKHA 2:1

Soe ba'eneu hataholi fo ana tutu'u eno mangalauk, nai lelek fai la'odaen-na nangape'uk nai pepe'uk lain, boema ana taon nai fai fafain-na, nanahu lanuu be'i-balakaik soaneu ala tao-no'i tatao-nono'ik ndia.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MATEOS 26:4

Lakokola aok fo ala sanga ho'u Yesus no denge-dengek fo ala tao lisan.