YESAYA 32:5 - Susula Malalaok Hehelu Palak Ma Hehelu Beuk

⁵ Hataholi nggoak-ka, ta nananafa'dak, nanafe ha'da-holomata so'on, ma manatipu-daik-ka, ta nananafa'dak, manatao tunga ndoon-na fa.

YESAYA 32:5 ပူးပေါင်းရင်းမြစ်များ

MAZMUR 12:8

Hataholi mangalauk-ka tapangenggela nai basa mamanak lala'en-na, hataholi-a esa-esak, so'u laik mangalauk-ka. Tehu O masulu-mahapa ami, ou Manetualain, manea ami neme hataholi mangalauk sila-la mai.

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 5:20

Soe ba'eneu emi fo, po'de masafali hata fo malole ma hata fo mangalauk, hata fo makahatuk ma hata fo mangale'dok, hata fo makahe'duk ma hata fo makeek!

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

SEMUEL SUSULAK-KA ESAN-NA 25:25

Au Ama Maneng-nga, boso dudu'a-dodoo Nabal, fo hataholi sosoa-ndandaa tak ndia! Ndia, hataholi nggoak sama leo na'den-na, sosoa-ndandaan. Atam-ma ta nita au Ama Maneng nadenu hataholi sila-la fa.