YESAYA 32:10 - Susula Malalaok Hehelu Palak Ma Hehelu Beuk

¹⁰ Besak ia, emi bole mame'da mita tetu-temak-ka, tehu fafa'kama, bei teuk esa seluk bai soona, neukose ketu emi namahehenam-ma, nana neukose emi ta da'di ketu-seu angol fa, ma ta hapu buna-boa fe'ek boen.

YESAYA 32:10 ပူးပေါင်းရင်းမြစ်များ

YESAYA 16:10

Ta hapu hataholi esa boen, namahoko-setelee nai tina maoe-maisik sila-la. Ta hapu eeki-natadalek, do manamakameek nai osi angol-la fa. Ta hapu manahe'e angol soaneu tao angol oek fa. Au tao ate'e sila eeki-natadalen so.

YESAYA 7:23

Nai tepo-lelek ndia, osi angol fo esan-na sele angol huuk lifun esa neu, ma belin-na doi fulak lifun esa, neukose makatema dila-nggauk-ka, moli lai dalek.

YEREMIA 8:13

Au ahiik anseli, tao akabubua Au anang-ngala, sama leo hataholi-a, tao nakabubua dae-oen buna-boan. Tehu Au anang-ngala, sama leo ai angol ma ai kaak boa tak-ka, lena-lenak doon-na boeo, male henin so. Hu ndia de, Au fe basa, hataholi nusa dea-la loak, fo ala koasa sila nusan-na so. Au, fo Manetualain nde manakokolak-ka.”

HOSEA 2:12

Neukose, Au tao amate basa ai angol-lala, ma ai kaak-kala, fo tunga ndia soona, ndia ngga'di lau-onon neu basa tou susuen-nala nde ndia. Neukose, Au tao asafali ndia osi angol-la, ma osi ai kaan-na da'di nula; ma neukose bana fuik-kala tao lakalulutuk-kasa.

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

YOEL 1:12

Ai maboak manai mook-kala basa-basas lamatuu: ai angol, apel, kaak, kurma, ma dalima. Boema laun-na boeo ta lamahoko so'on.

YOEL 1:5

Hai basa manamafuk-kala lemin, fo'a leona! Hai maninuk-kala lemin, kii leona! Nana angol beuk-ka ala loso-lan neme o bafam-ma mai so.

YOEL 1:7

Ala taolisa ita ai angol-la, ma ita ai kaan-nala, ela ka'da huun-na. Ala sii heni, ndanan-nala loun-na, nalosa ndanan-nala da'di fulak.

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

ZEFANYA 1:13

Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”