YESAYA 3:9 - Susula Malalaok Hehelu Palak Ma Hehelu Beuk

⁹ Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 3:9 ပူးပေါင်းရင်းမြစ်များ

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

KEJADIAN 19:34

Balahaa boema, ana uluk-ka, nafa'da fa'din-na nae, “Le'odaek-ka, au sungu o ama so! Mahani fo, le'odae soona, ata fen ninu mafuk seluk. Soona, o sungu moon. Fo ela boso ketu ama tititi-nonosin.”

KEJADIAN 4:5

tehu Ana ta sipok Kaen no tutunu-hohotun fa. Kaen namanasa nanseli, de mata panan makei.

2RAJA-RAJA 9:30

Yehu losa nai Yizreel. Lelek Izebel namanene hata fo ana da'di so, boema ana sau langan-na, de ana lose badaak neu mata-panan, de basa boema, ana mete neme uma manek-ka jendelan-na, leo dae neu.

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

AMSAL 15:32

Hataholi fo, ana ta nau nanoli-nafa'da fan-na, ta fe ha'da-holomata neu aoinan-na fa; tehu hataholi fo, ana sipo kekena-kaka'ik-ka, ana da'di hataholi dale malole.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

AMSAL 8:36

Se ta hapu au fa soona, ana tao nakatutu'dak aoinan-na mesak-kana; hataholi fo manamakamuu-makadau au-a, ana sue mamates-sa.”

YESAYA 1:10

Yerusalem, basa mauli-malangan, ma emi leoinam-ma, da'di sama leo hataholi Sodom ma Gomora so. Mamanene hata fo, Manetualain nafa'dan neu emi; taoafik neu hata fo, ita Manetualain-na, nanolin neu ita.

YESAYA 3:16

Manetualain nafa'da nae, “Ina-inak Yerusalem-mala, koao-ndaeao lanseli! Ala hii lalelengoao, ala hii lakahehe'de mata, ma ala la'ok lalelengo ao, ala nggani ein-nala no koao-ndaeaok, fo ela suek manai ein-nala lalii bedolo.

YESAYA 57:20

Tehu hataholi manatao tatao-nono'i mangalauk-ka nde been-na, sama leo tasi fo lii-la ta hahae fa, lii-la, puka leni kadafuk ma tane.

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 16:30

Manetualain Fo Mademaina, nafa'da nae, “O tao basa sila-la, sama leo manasosoa-piaok fo, bibii-mamaen ta.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 23:16

Lelek Oholiba nita dulak sila-la boema, nasa sosoa-piaon fo'a, de ana ka'i malanga solda'du matuaina manai Babel sila-la,

DANIAL 7:20

Boeo au hii bubuluk la'eneu susula ka 10-n manai langan-na, ma la'eneu susula anak fo ana moli nakabuik, boema ana fe'a heni susulak 3 neme susula makasososak-kala mai ndia. Susula anak ndia mamatak ma mabafak, fo ana kokolak dede'a me'i-afek no koao-ndaeaok. Ndia nakatata'u lena heni susula fe'ek sila-la.

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HOSEA 5:5

Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

ROMA 6:23

Nana sala-singo ka ngga'di na nde mamate sa; tehu Manetualain baba'e-babatin nde so'da manaketu basa ta ka nai Yesus Kristus dalek.

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.

SEMUEL SUSULAK-KA ESAN-NA 15:32

Basa boema, Semuel fe paleta nae, “Moo, Manek Agag-ka leo ia mai.” Agag mai no namahehenak nanseli nanahu ana dodoo nae, “Soe mamates-sa seli so.”