YESAYA 3:8 - Susula Malalaok Hehelu Palak Ma Hehelu Beuk

⁸ Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YESAYA 3:8 ပူးပေါင်းရင်းမြစ်များ

2TAWARIKH 28:18

Nai lelek ndia boe, hataholi Filistin-nala bei sapu-la nusa-nusak manai letek-ka huun muli, ma nai nusak manai Yehuda boboan kona. Ala loso-la kota Bet-Semes, Ayalon, ma Gederot, boema kota Sokho, Timna, ma Gomso, boema nggolo-nggolok manai nusak-kateluk sila-la titia-tatain-nala, boema ala leo lahele leme ndia.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 49:19

O nusam fo, tokotik, ma nee-nee lino-lino-a, besak ia, ana da'di makabi'a anak nanseli, ba'eneu hataholi fo, lahiik leon-nana. Ma hataholi fo, ana nau tao namate-namopo o-a, nadook aoinan-na neme o mai so.

YESAYA 57:4

Emi hika-ka, nde see-ka? Emi hakinonolik-ka, nde see-ka? Ade emi ta nde, tititi-nonosik neme hataholi masapepeko-masandandalik, ma manalena-la'bak-kala mai fa do?

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 23:36

Sila ta bole pake dede'ak si'ek lae ‘Manetualain lelepa mabelan-na’. Metema bei hapu fo mana pake dede'ak si'ak ndia soona, neukose Au tao Au hala haituang-nga te'e-te'e ana da'di lelepa mabela soa neun. Hataholi fo manamafa'da nae, ‘Manetualain lelepa mabelan-na’ ka'da ana puta-pai Au hala kokolang-nga, fo sila Manetualain-na, Manetualain fo maso'dak-ka, Manetualain Fo Manakoasa.

YEREMIA 26:18

“Lae nai lelek Hizkia da'di manek nai Yehuda, boema Nabi Mikha neme Moresyet nanduku-nalosak kokolak-ka nde ia, neme Manetualain Fo Manakoasa nae, ‘Sion nana foi-falak sama leo tina, Yerusalem neukose ana da'di batu ai madodouk, ma pupukuk Manetualain Uman-na neukose ana da'di nula.’

YEREMIA 26:6

Metema emi malanga batu mahele soona, uma mamasok ia neukose Au taon sama leo Silo, de nalosa basa leoina manai daebafak-ka pake kota Yerusalem ia na'den-na da'di leo soo-supak.”

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

HOSEA 5:5

Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

HOSEA 7:16

Ala tunga lahele ka'da lamatua daebafak fo ta lanuu koasa hata-hata fa. Ta bisa namahena fas, nana sila sama leo kokouk fo tali-na nakama'a. Sila mauli-malangan kokolak no koao-ndaeaok, hu ndia de, neukose taonisas nenik tafaina, fo hataholi Masir-rala hikas.”

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

MIKHA 6:12

Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

YUDAS 1:15

fo laketu-lala'di basa hataholi lala'e na. Ma neukose Amak Manetualain huku hataholi mangalau kala, nanahu tatao-nono'i nala, mangalauk. Boema neukose Ana huku hataholi masala-masingo kala, ma hataholi malena langa-masaba soo kala, nanahu hala-kokola nakamumulu-nakamamaek fo ala kokola kana.”