YESAYA 3:5 - Susula Malalaok Hehelu Palak Ma Hehelu Beuk

⁵ Neukose hataholi-la, esa tuni-ndeni esa. Hataholi muli-soluk-kala ta nau lamanene lasik-kala, ma ni'iana-la ta nau lamanene hataholi matua-la fa.

YESAYA 3:5 ပူးပေါင်းရင်းမြစ်များ

2RAJA-RAJA 2:23

Basa ndia boema, Elisa la'o neme Yerikho leo Betel neu. Nai enok tala'dak, ni'iana bubuak esa, ala kalua leme kota dale mai, de ala hakinonolin lae, “Hai, langa dilak, langa dilak, la'o ela mamanak ia leona!” Ni'iana sila-la, ala nggasi lae leondia.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 11:13

Nusa Israel-la, ta nape'da dalek seluk no Yehuda, ma Yehuda ta musu seluk no Israel so'on.

YESAYA 19:2

Manetualain nafa'da nae, “Neukose Au afofo'a natee-natati tolanok-ka nai Masir: fo tolanok la'ban tolanok, titia-tataik la'ban titia-tataik, kota la'ban kota, nusak la'ban nusak.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.

ZAKHARIA 11:6

Au ta nau, Au daleng-nga tu'da kasian seluk neu su'di see boen, nai nusak ia fa. Au nde fe basa laun lala'en-na, leo manakoasa-la leu. Sila nde, neukose tao lakalulutuk nusak ia, te Au ta loso falik-kana, neme sila koasan-na mai fa.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 26:67

Boema lasapula ape neu Yesus mata panan ma ala tutu-fepan. Boema nggelok fapan,

MARKUS 14:65

Boema hataholi de'ubee lai ndia, ala mulai tupee lakadoe Yesus ape, ma ala potiketu mata na de ala fepan, boema lafa'dan lae, “So'ba neuk su'dik, see ka nde fepa O a?” Manamanea la boeo ala fapa Yesus.

LUKAS 22:64

Ala potiketu mata na de latanen lae, “So'ba neuk su'dik, see ka nde fefepa-popoko O a?”

YAKOBIS 2:6

Tehu emi sosona, makamumulu-makamamaek hataholi nuu taa kala, te see ko na hataholi kamasu'i kala ala tuni-ndeni emi, ma ala lele'a-loloso emi leo mana maketu-mala'di ka meu!

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.