YESAYA 3:24 - Susula Malalaok Hehelu Palak Ma Hehelu Beuk

²⁴ Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YESAYA 3:24 ပူးပေါင်းရင်းမြစ်များ

ESTER 2:12

Tunga nakanenetek-ka soona, ala barias inak-kala teuk esa dalen-na; bulak 6, lahutus lenik mina nanasese'do boomenik, ma bula ka 6 manamaik-ka soona, lahutus lenik mina nanasese'do kaboomenik fe'ek bai. Basa ndia soona, anafe'oanak-kala esa-esak, muse neu nataa Mane Ahasyweros-sa.

AYUB 16:15

Au pake kalong, fo da'di leo ta'du-tana dale he'dik, ma au angatuuk nai dae sopuk-ka dale, nanahu au nanasengik so.

AMSAL 31:24

Ana tenu boalo'as ma kalikee fo nase'o neu manadangan.

AMSAL 7:17

ma au pisi nenik mina kaboomenik mur, kainituk ma ai louu makeek so.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 15:3

Hataholi manai enok-kala, ala pake si'di kalong, da'di leo ta'du-tana manasusak; hataholi-a, ana kii-makaleleu, ma ana kii nai masadokek-ka, ma nai uma punin-na.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 3:23

ba'du tema ni'ianan-nala, bua papake abalutun-nala, fefeo botoliin-nala ma tema manalu popoti langan-nala.

YESAYA 4:4

No Manetualain koasan-na, neukose naketu-nala'di ma Ana tao nalalao anan-nala. Neukose Ana tao nalalao Yerusalem neme hataholi nanataonisak manai kota ndia, daan-na.

YESAYA 57:9

Emi pake mina, ma kaboomenik-kala, boema emi meu sene-do'ok neu lamatua daebafak Molokh-ka. Emi haitua hataholi nadedenuk-kala leu leo nusa dook-kala leu, nakalenak leu leo hataholi manamatek-kala daebafan-na leu.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YEREMIA 49:3

Hei hataholi Hesybon, kii leo nanahu nusa Ai-a nakalulutuk so! Hei anafe'o anak nusa Raba, kii leo! Pake si'di kalong da'di ta'du tana dale he'dik, malai kii-konak henuk no mapangamak. Neukose o lamatua Milkom-ma nanafoo nenik leo mamana ookak-ka sama-sama no basa manaho'u-paleta ma basa imam-mala!

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

YOEL 1:8

Kii leon, hai hataholi-la lemin, sama leo anafe'oana manasusak, fo ana kii-makaleleu tonanga susuen-na, mamaten-na.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 32:24

Neukose mates, nanahu he'di sumaik-ka, ma la'a-ndoes-sa, ma hu kande he'dis fo maneni mamates-sa. Au po'ilotak bana makaak-kala, ala kaa lalas, ma menge malasok-ka, ana kaas.

1 PETRUS 3:3

Boso malole-manapu ka'da nai deak fo nde, balias emi langa doo ma, do pake lilo-henu, do pake ka'da bua lo'a kabeli ina nala.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

NINITAK 18:9

Mane-manek daebafak fo ala tunga nai inak ndia tatao-nono'i manasosoa-piao na ma inak ndia nasa sasaoana na, neukose ala kii ma makaleleu kota ndia, metema lita ha'imasu ka namasu neme ha'i fo manahotu naputu nana.