YESAYA 3:16 - Susula Malalaok Hehelu Palak Ma Hehelu Beuk

¹⁶ Manetualain nafa'da nae, “Ina-inak Yerusalem-mala, koao-ndaeao lanseli! Ala hii lalelengoao, ala hii lakahehe'de mata, ma ala la'ok lalelengo ao, ala nggani ein-nala no koao-ndaeaok, fo ela suek manai ein-nala lalii bedolo.

YESAYA 3:16 ပူးပေါင်းရင်းမြစ်များ

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

AMSAL 21:4

Hataholi mangalauk ndia, nasala-nasingo, hu kande namatutua-namadedema aoinan-na, ma koao-ndaeaon-na.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

KIDUNG AGUNG 3:11

Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.

YESAYA 1:8

Ela ka'da Yerusalem, tehu lakahapi-la seli, de ta nakatatakak so'on, sama leo lalaak-ka nai osi angol dale, do moa nai osi titimupokok dale.

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YESAYA 3:17

Tehu neukose Au hukus; neukose langan-nala henuk no kosulouk, ma langan-nala nananggeu dilak.”

YESAYA 3:18

Neukose losa fain-na te, Manetualain ho'i-na basa ina-inak Yerusalem-mala bua-lo'a lilopila-lilofulan fo ala koao-ndaeao lenik-kasa sila, fo nde: papa'a langak, suek manai ein-nala, lilo-henun,

YESAYA 3:4

Neukose Manetualain so'u hataholi muli-soluk-kala da'di laun-na mauli-malangan, de neukose ala paleta tunga ka'da sila dale hihiin-na.

YESAYA 4:4

No Manetualain koasan-na, neukose naketu-nala'di ma Ana tao nalalao anan-nala. Neukose Ana tao nalalao Yerusalem neme hataholi nanataonisak manai kota ndia, daan-na.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

MATEOS 21:5

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

LUKAS 23:28

Tehu Yesus lipa leo dea neu de nafa'das nae, “Ina Yerusalem-mala lemin! Boso kii makaleleu Au. Kii-makaleleu emi aoina mala mesa kana ma emi ana mala.