YESAYA 3:14 - Susula Malalaok Hehelu Palak Ma Hehelu Beuk

¹⁴ Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

YESAYA 3:14 ပူးပေါင်းရင်းမြစ်များ

AYUB 22:4

Ta hu kande o bii-mamata'u neu Manetualain, boema o nanakalaak, ma lafa'da lae o masalak,

AYUB 24:14

Nai fai lolobahaan-na, tou kanisak-ka, fo'a neme susungun-na mai, boema, ana kalua, fo neu taonisa, hataholi matasi'da-matasaek-ka, ma beita le'do a mai fa, te ana loi-loi mesan, sama leo nakodaa.

AYUB 24:9

Hataholi mangalauk-ka ana tao ni'iana ina-ama taak-ka, da'di ndia atan, ma anaho'i-na hataholi nuu-taa hata-taak fo, nahuta neun-na, ana bongi beun-nala.

AYUB 34:23

Ta paluu Manetualain naketu fain-na, soaneu hataholi daebafak-ka mai, fo naketu-nala'dis.

MAZMUR 14:4

Manetualain nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

MAZMUR 143:2

O atam au ia, de boso maketu-mala'di au, nana hataholi lala'ena, masalak mesa-mesan nai O matam.

AMSAL 30:14

Hapu hataholi nggelok sanga so'dan-na, nenik tatao-nono'ik, fo dale hataholin ta; hataholi sila, mangalaun-na seli, ma lakatutu'dak hataholi nuu-taa hata-taak-ka, ma hataholi tapandoes-sa.

YESAYA 10:1

Soe ba'eneu emi fo, manatao hoholo-lalanek fo ta ndoos ma matetuk fa, soaneu tuni-ndeni Au leoinang-nga.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 14:30

Neukose la'a-ndoes matuaina, la'e emi, ma bei ela hataholi-la, neukose nanatao nisak. Nasafalin-na, Manetualain anan fo, nuu taa-hata taak nanseli, neukose ana hapu nana'a-nininuk, ma hataholi tapandoes-sa, neukose naso'da no nee-nee lino-linok, ma so'da-molek.

YESAYA 26:6

Hataholi nuu taa-hata taak-ka, ma hataholi mana doidosok-ka, neukose ala heheta-aa'in.”

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 30:12

Hu ndia de, Israel Manetualain malalao-malafun-na, nafa'da nae leo ia, “Emi ta sipok Au dede'a-kokolang fa, de emi masalai emi deam-ma neu tuni-ndenik-ka, ma tipu-daik-ka.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 58:4

Lelek emi okaaom-mala, emi masipo bafak, ma mahote, ma emi tao hata esa no laka-nakasetik. Emi maedaenga, emi okaaom leondiak-ka, ana hapu tao nakababale Au daleng-nga, fo Au amanene emi huhule-haladoim do?

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YEREMIA 5:27

Sama leo hataholi manausi manupui-a, ana tao manupui leo manupui ndunuk dale neu, leondiak boe, sila tao bua-lo'a tipu-daik leo sila uman dale neu. Hu ndia de, ala da'di manakoasa, ma kamasu'ik,

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 20:35

Boema, neukose Au o emi leo ‘Leoina-kala Moo solokaen-nala meu’. Nai naa, neukose Au aketu-ala'di emi, matak no matak,

YESKIAL 20:36

sama leo Au tao basan neu emi bei-ba'i kaim-mala neme Letek Sinai-a. Au Manetualain Fo Mademaina, nde manakokolak-ka.

IMAMAT 25:14

Da'di, metema emi mase'o dae leo emi nonoo hataholim, fo hataholi Israel, do asa dae neme emi nonoom ndia mai soona, boso mase'o-banasa no eno puta-paik.

IMAMAT 25:17

Boso tipu-dai emi nonoom hataholi Israe la, tehu ela leo been-na, emi bii-mamata'u neu Amak, fo emi Manetualaim-ma.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

MIKHA 2:1

Soe ba'eneu hataholi fo ana tutu'u eno mangalauk, nai lelek fai la'odaen-na nangape'uk nai pepe'uk lain, boema ana taon nai fai fafain-na, nanahu lanuu be'i-balakaik soaneu ala tao-no'i tatao-nono'ik ndia.

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

MIKHA 3:3

Emi mi'a au leoinang-nga. Emi sii-sii loun-na, ma emi tao makalulutuk duin-na. Emi kee-kees sama leo kee-kee paa, fo taon leo ulek dae dale neu.

MIKHA 6:10

Nai hataholi mangalauk-kala uman, hapu hata-heto fo ala hapun neme tipu-daik-ka mai. Ala pake tatais ta matetuk, fo tatao-nono'ik esa, Au ta ahiik-kana fa. Neukose Au huku hataholi manatao tatao-nono'ik leondiak-ka.

MATEOS 21:33

Boema Yesus nafa'das nae, “Mamanene seluk nakandandaak esa ia bai, dae lamatuak esa, ana sele osi angol esa. Ana pa'a feon, ma ana kali na bolok esa fo ala ka'bi ango la, oe na leo dalek neu, mate'e na, ana tao na lopo naneak esa. Basa ndia boema, ana fe osi angol ndia neu hataholi mana'a ngga'di nala seban, de ana la'o leo nusa fe'ek neu.

YAKOBIS 2:6

Tehu emi sosona, makamumulu-makamamaek hataholi nuu taa kala, te see ko na hataholi kamasu'i kala ala tuni-ndeni emi, ma ala lele'a-loloso emi leo mana maketu-mala'di ka meu!