YESAYA 27:9 - Susula Malalaok Hehelu Palak Ma Hehelu Beuk

⁹ Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESAYA 27:9 ပူးပေါင်းရင်းမြစ်များ

2RAJA-RAJA 10:26

de ala kalua heni Baal dodoki-dudulan, de ala hotu henis.

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

2TAWARIKH 14:5

Basa mamana sosongo-tatangok-kala ma mamana tutunu boomenik-kala, ana si'uhenis leme kota-kota Yehuda-la mai. Boema nusak ndia nee nee-lino lino nai paletan dae,

2TAWARIKH 34:4

Yosia ana boa-nala tao lakalulutuk dodoki-dudulak ma sosongo-tatangok boema ala nggali sosongo-tatangok sila-la sopun-nala leo hataholi fo manafe tutunu-hohotuk neu sosongo-tatangok sila-la laten lain. Ala tao lakalulutuk Baal mei tunu-hotun-nala ma mei tunu-hotu boomenik manai sila-la.

2TAWARIKH 36:19

Ana tao nakalulutuk kota Yerusalem-ma papala nanadaman-na, de ana hotu heni kota ndia, de Manetualain uman-na ma basa uma manek-kala sama-sama loo bua-lo'a kabelik fo bei manai uma manek sila-la dalek-ka, nanalekek nai dalek boe.

MAZMUR 119:67

Beita nanahukuk fa, te au la'ok heo so, tehu besak ia, au ho'u ahele O paletam-ma.

MAZMUR 119:71

Memak, malole lenak O huku au, fo ela au alelak O nakeketum-mala.

KELUARAN 34:13

Da'di, boso tao leondiak, tehu tao makalulutuk sila mei tunu-hotun-nala, ma lo'oheni sila sosongo-tatangon Asyera, diin-nala.

AMSAL 20:30

Bisu pii madaak-ka, lose heni mangalauk-ka, ma ana tao balisi hataholi daebafak-ka dalen-na.

YESAYA 1:29

Neukose ala hapu mamaek, nanahu ala sene-do'ok neu ai ina-la, ma ala fe hehelik lamatua daebafak-kala osi-lutu.

YESAYA 17:8

Neukose ala ta lamahena sila ue-osan buna-boan so'on, fo nde mei tunu-hotuk fo mamana tutunu boomenik-ka, ma lamatua daebafa Inak Asyera dodoki-dudulan.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 4:4

No Manetualain koasan-na, neukose naketu-nala'di ma Ana tao nalalao anan-nala. Neukose Ana tao nalalao Yerusalem neme hataholi nanataonisak manai kota ndia, daan-na.

YESAYA 40:2

Matetesa-matatama, hataholi Yerusalem-mala dalen-nala, mafa'das leon, mae ala ta da'di ata so'on. Sila salan-nala hapu do'o do ampon so. Au huku basa sila sala-singon, didikuk la'i dua so.”

YESAYA 48:10

Au fola o nai ha'i doidosok dale, sama leo lilofulak-ka, nanafolak nai dapu ha'i dale.

YESKIAL 11:18

Metema ala fali soona, neukose ala tu'u-tapaheni basa sosongo-tatangok fo, ta kandaak ma nanamaluak manai nusak ndia dalek-ka.

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 6:4

Neukose, ana tao nakalulutuk mei tunu-hotun-nala, ma ana tao naba'e mamana tutunu boomenin-nala. Neukose, ana taonisa basa hataholi manai sila-la, nai sosongon-tatangon-nala matan.

DANIAL 11:35

Mauli-malangan manatee-tenok sila-la nggelok, neukose nanataonisak, tehu ndia ka'da nalupa soso'ba-susu'dik ba'eneu Manetualain anan-nala, fo ala da'di neuisik. Neukose dede'ak ndia ana da'di losa tepo-lelek mate'ek-ka, fo nde tepo-lelek Manetualain naketu basak-ka.

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

ROMA 11:27

Neukose Au tao hehelu-balataa ka nde ia, no sila nai lelek fo Au fe do'o do ampon neu sala-singo nala.”

1 KORINTUS 11:32

Tehu metema Manetualain huku ita soona, ita bei nanananolik fo ela huhuku ka boso la'e ita sama-sama no daebafak ia.

ULANGAN 12:3

Tao matu'u mei tunu-hotun-nala, ma tao makalulutuk lutu batu sosongon-tatangon-nala. Hotu heni Asyera dodoki-dudulan-nala, ma tao makalulutuk sila ai batu dodoki-dudula sosongo-tatangon-nala, fo ela ala boso boe, sene-do'ok neu lamatua daebafak sila-la, nai mamanak sila bai.

IBRANI 12:6

Nana Lamatua ka nanoli basa hataholi fo Ana sue-lain, ma Ana filuk basa hataholi fo nakahei kana da'dileo Ndia Anan.”