YESAYA 27:7 - Susula Malalaok Hehelu Palak Ma Hehelu Beuk

⁷ Manetualain huku anan-nala, ta bela-ba'u Ana huku leoina fo, manamusu loos-sala fa. Ana ta taonisa anan-nala fa, sama leo Ana taonisa musun-na fa.

YESAYA 27:7 ပူးပေါင်းရင်းမြစ်များ

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 17:14

Nai lelek le'donoso, ala leni bibii-namata'u matuaina, tehu nasafali lolebalahaak te, mopos so. Basa hataholi fo ala kalo ita, ua-nalen leondiak.

YESAYA 17:3

Neukose mopo Israel manamasulu-mahapan, ma mopo Damsyik koasan-na. Hataholi Siria fo bei elak-kala, neukose laso'da lai nakamumulu-nakamamaek-ka dalek, sama leo hataholi Israel-la. Manetualain Fo Manakoasa nde manakokolak-ka.”

YESAYA 30:31

Hataholi Asyur-rala, neukose lakalupu, metema lamanene Manetualain halan-na, ma lame'da lita, huhuku mabelainan-na.

YESAYA 31:8

Neukose Asyur nanatao namate-namopok nai natee-natatik dale, tehu ta nenik hataholi daebafak-ka be'i-balakain fa. Neukose hataholi Asyur-rala, lalai leme natee-natatik dale mai, ma sila hataholi muli-solun-nala, neukose nanataok da'di ata.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YEREMIA 50:40

Sama leo Au tao akalulutuk Sodom ma Gamora no nggolok manadekak-kala, boema neukose Au tao akalulutuk Babel leondiak boe. Ta hapu hataholim esa boen fo ana leo nai na. Au, Manetualainde manakokolak.

YEREMIA 51:24

Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

NAHUM 1:14

Manetualain nakeketun la'eneu leoina Asyur-ra nde ia: “Neukose ketu sila tititi-nonosin fo sila tititi-nonosin, ta lamade'u-lamaba'u fa. Neukose Au tao akalulutuk dodoki-dudulak sosongok manai lamatua daebafan-nala uman dale. Au sadia basa leoina Asyur-ra bolo mamaten-na so, nana sila ta landaa laso'da fa!”

NAHUM 3:19

O makahinam-ma, ta hapu puli-namo'do fan, ma o bisum-mala ta hapu hai fa. Basa hataholi fo lamanene halak la'eneu o nakalulutum-ma, ala totoko liman-nala nana lamahoko. Nana basa hataholi-la doi-doso, hu kande o tatao-nono'i mangalaum fo ta hapu mate'e-mahanin ndia fa.