YESAYA 26:8 - Susula Malalaok Hehelu Palak Ma Hehelu Beuk

⁸ Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YESAYA 26:8 ပူးပေါင်းရင်းမြစ်များ

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

MAZMUR 106:3

Maua-manalek ba'eneu hataholi fo, ana tunga paletan-nala, ma hapu ndoos tataas esa nai tatao-nono'in-na dalek.

MAZMUR 130:5

Au ahani Manetualain tulu-falin, ma au amahena hehelun-na.

MAZMUR 18:23

Au taoafik neu basa hoholo-lalanen-na, ma au akalala'ok paletan-nala.

MAZMUR 42:2

Sama leo nusa nahiik oe lee-a, leondiak boe au samaneng-nga nahiik O, ou Manetualain.

MAZMUR 65:6

O mataa ami, nenik O fe ami sesengik, O tao dede'a manada'di beuk-kala, soaneu O soi-tefa-mala ami! O nde namahehenak ba'eneu basa leoina lala'en-na, losa tasi maloaina manai dook eli.

MAZMUR 73:25

See kande, au anuun nai nusa so'dak-ka, fe'ek neme O mai? Fe'ek neme O mai, ta hapu hata fo, au ahiik-kana nai daebafak-ka.

MAZMUR 84:2

O mamana leleom-ma, lolen-na seli, ou Manetualain Fo Manakoasa!

KELUARAN 3:15

Boeo tui-benga fes, mae Au, Manetualain, fo sila bei-ba'i kain Abraham, Isak ma Yakob Manetualain-na, nadenu au mai leo emi mai. Au nde Manetualain, fo Au na'deng-nga nde ndia, losa dodoon-na. Au na'de nonokeng-nga nde ndia, soaneu basa leoina lala'en-na, neme tititi-nonosik leo tititi-nonosik neu.

KIDUNG AGUNG 5:8

Hai anafe'oanak Yerusalem-mala lemin, maheluk leona, metema emi matongo moo au touana susueng-nga soona, mafa'dan mae au amahe'di susue tou-ta'ek.

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 26:13

Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 51:4

Hai Au leoinang-ngala lemin, taoafik neu Au halang-nga, hai Au anang-ngala lemin, mamanene Au hala-kokolang, Au fe Au nanoling-nga neu leoinak-kala, neukose Au hoholo-lalaneng nasala nalas

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

MIKHA 4:5

Basa leoina manai daebafak-ka sene-do'ok ma tunga sila lamatua daebafan-na. Tehu neukose ita tunga Manetualain, fo ita Manetualain-na, fo sene-do'ok-kana losa dodoon-na neu.

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

BILANGAN 36:13

Nakanenetek ma nakeketuk sila-la, nde Manetualain fen neu leoina Israel-la, tunga Musa, nai lelek leoina Israel-la leme masadokek Moab-pa, nai Lee Yarden-na su'un-na, fo deka no kota Yerikho-a.

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

HATAHOLI 1:4

Ma nai lelek fo Ana leo sama-sama nos ala, Ana fes paleta nae, “Boso laoela Yerusalem. Mahani meme ndia losa Ama ka Ana fe hata fo Ana helu basa ka, fo nde hata fo makahulu na Au basan neu emi so.

ROMA 8:25

Tehu metema ita tamahena hata esa, fo ita beita tita fan soona, ata boso haelai tamanasa fo tahani tahele.

2 TESALONIKA 3:5

Ela leo bee na, Lamatua ka hela-nole emi, fo daenga emi boetai malelak Manetualain susue-lalain neu emi a, boema Kristus fe emi be'ibalakaik fo emi hapu makatatakak nai basa dede'ak lala'ena dalek.