YESAYA 26:5 - Susula Malalaok Hehelu Palak Ma Hehelu Beuk

⁵ Manetualain nakadadaek hataholi manakoao-ndaeaok-ka; Ana tao nakalulutuk sila kota musun-na ma Ana taon-nan, nakatetepak no dae bafan-na.

YESAYA 26:5 ပူးပေါင်းရင်းမြစ်များ

MAZMUR 79:8

Boso huku ami, hu kande ami bei-ba'i kaim-mala sala-singon. Sue-lai ami no lai-laik, nana ketu ami namahehenam-ma so.

YESAYA 13:11

Manetualain nafa'da nae, “Neukose, Au huku daebafak-ka nanahu tatao-nono'i mangalaun-na, ma hataholi tatao-nono'i mangauk-kala nanahu sala-singon-nala. Neukose, Au akadadaek basa hataholi manakoao-ndaeaok-kala, ma neukose Au huku hataholi fo namatutua-namadedema aoinan-na, ma hataholi fo ha'da hataholi taak-ka.

YESAYA 14:13

O maketu basa nai o dalem dale, kae leo lalai muu, fo o pe'da o kandela manem-ma, neu nduuk mademaina lain! O maedaenga o hapu mangatuuk da'di leo manek nai letek kii lain, fo lamatua daebafak-kala mamana nakabubuan-na.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 24:10

Tasi'bu-a da'di nai basa kota lala'en-na; basa uma-la lelesun-nala nananggoek, nanahu uma isi-la bii-lamata'u.

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 32:19

Maua-manalek nanseli, ba'eneu emi basa-basam-mala, nanahu emi bubu'u-palusam hapu oe, ma emi bana-manum hapu la'a na'u nai mamanak lala'en-na, no nee-nee lino-linok. Tehu emi musum-ma, neukose sama leo nula, fo u'da batu-a tuni la'en, ma sila kotan-na, neukose nanatao nakalulutuk.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YEREMIA 51:37

Neukose nusan ndia da'di bua-lo'a bibiak, ma busa fuik-ka mamana nafunin. Hataholi litan soona ala bii ma esa ta nau leo nai na.

YEREMIA 51:64

Ma o kokolak mae, ‘Ia nde been-na neukose ana da'di neu Babel. Neukose nusak ia tenak heni ma ana ta fo'a soon hu ka nde ala hapu susa-soe neme Manetualain mai.’ ” Yeremia dede'a kokola-na nate'e losa ia.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

YESKIAL 26:11

Solda'du manasa'e ndala sila-la, neukose ala sapu-la o laum-mala, lai o enom-mala lain, fo ala taolisas lenik sila tafainan-nala. Neukose ala tao lakalulutuk lutubatu fo o koa-kiok-kala.

YESKIAL 28:17

O mata makeem-ma, ana tao-na o koao-ndaeao, ma o na'de nanakoa-nanakiom-ma, ana tao-na o, tao tunga o nggoam-ma. Hu ndia de, Au bala o muu dae lain, fo Au taon da'di nasanene'dak ba'eneu mane fe'ek-kala.’ ”

NINITAK 18:2

Nalo bou-bou napane'e nae, “Ana tu'u neu so! Babel matuaina ana tu'u neu so! Besak ia kota ndia da'di nitu la ma dula dale mangalau kala mamanan so. Basa manupui manggenggeok mata-matak fo hataholi a ta nahii kasa, ala leo lai dalek.