YESAYA 26:3 - Susula Malalaok Hehelu Palak Ma Hehelu Beuk

³ Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 26:3 ပူးပေါင်းရင်းမြစ်များ

1 TAWARIKH 5:20

Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.

2TAWARIKH 13:18

Hataholi Yehuda-la sengi, nanahu ala lamahena Amak fo sila bei-ba'i kain-nala Manetualain-na.

2TAWARIKH 16:8

Ade Sudan ma Libia ta lanuu solda'du makadotok ma kaleta musu ma solda'du manasa'e ndala makadotok fa do? Leomae leondiak boe, Manetualain fe o sengis, nanahu o masalai o deam-ma neun.

MAZMUR 119:165

Hataholi manasue-lai O hoholo-lalanem-ma, nee-nee lino-linok ma tetu-temak, ma ta hapu hata napanggengge fas.

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 26:12

Manetualain, neukose O taom-ma ami, tetu-temak; basa hata lala'en fo ami tao-no'in, O nde tao-no'in ba'eneu ami.

YESAYA 27:5

Tehu metema, Au anang-ngala musun-nala sanga nasulu-nahapak neme Au mai soona, nemen-na fo, ala mole-dame lo Au, hei, ala mole-dame lo Au.”

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 32:17

Basa hataholi-la, neukose tao hata fo la'en, nalosa hapu so'da-molek ma tetu-temak losa dodoon-na.

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

YESAYA 42:19

See kande, poken-na lena, neme Au atang Israel mai? See kande, paken-na lena, neme Au hataholi nadedenung-ngala mai?

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 48:2

Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

YEREMIA 39:18

Neukose o nanatao nisa tak, nana neukose Au soi-tefa ala o. Neukose o samanem-ma naso'da nanahu o masalai deam-ma neu Au. Au, Manetualain, nde manakokolak-ka.”

DANIAL 3:17

Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

DANIAL 6:23

Atam-ma Manetualain-na haitua ata nusa so'dan-nala mai so, de ala ko'o ketu singa sila-la bafan-na, nalosa ala ta tao atam-ma le'e fa. Manetualain soi-tefa-na atam-ma, nana Ana bubuluk nae, atam-ma ta tao salak soaneun, ma soaneu Ama Manek fa.”

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

YOHANIS 16:33

Au afa'da basa dede'ak ia la, fo ela emi hapu so'da-molek, hu ka nde emi da'di esa mo Au. Neukose emi to'a-sota nai daebafa ka. Tehu matetea-mahehele emi dale ma! Nana Au sengi daebafa ka so!”

ROMA 5:1

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus.

FILIPI 4:7

Soona so'da-molek maneme Manetualain mai, fo hataholi daebafa ka ta hapu nalela kana ndia fa, neukose nanea emi dale ma, ma emi dudu'a-aafim fo mana da'di esa no Kristus Yesus a so.