YESAYA 26:16 - Susula Malalaok Hehelu Palak Ma Hehelu Beuk

¹⁶ O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 26:16 ပူးပေါင်းရင်းမြစ်များ

MAZMUR 142:2

Au aloo bou-bou apane'e neu O Manetualain; au dokodoe neun, nenik au apanne'e au halang-nga.

MAZMUR 27:8

O mafa'da mae, “Mai leona fo sene-do'ok Au.” Au ataa ae, “Au mai no lai-laik, ou Manetualain;

MAZMUR 42:4

Lele'do-le'odaen au kii, luu oe-a da'di au nana'a-nininung. Fai katemak esa dalen-na, au musung-nga natane, “O Manetualaim-ma nai bee?”

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 77:3

Nai fai toto'a-tataak-ka, au hule-haladoi neu Manetualain; le'odae katemak esa dalen-na, au so'uk au limang-nga neun no ta sota-mangu fa, tehu au daleng-nga, ta nau nanakokoe-nanasik fa.

MAZMUR 78:34

Metema, Manetualain taonisa, hataholi de'ubee nai sila dalek soona, fe'ek-kala lasasale dale, fo ala fali ma'is leo Manetualain mai.

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

YESAYA 37:3

Ala landuku-lalosak Hizkia hala hehelun-na nde ia, neu Yesaya, “Faik ia, fai susa; ita nanahukuk ma nananakamumulu-nakamamaek. Ita sama leo inak fo, ana sanga bongi, tehu balakain ta so.

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YEREMIA 29:12

Boema neukose emi moke tutulu-fafalik neme Au-a mai. Neukose emi mai fo soaneu hule-haladoi neu Au, soona neukose Au ata emi huhule-haladoim.

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

BILANGAN 21:7

Boema leoina ndia neu leo Musa neu, de nafa'da nae, “Ami masala-masingo basa so, nanahu ami bemumu moo Manetualain ma o boe. Hule-haladoi neu Manetualain, fo ela nadenu menge ia-la, dook-ka leme ami mai.” Boema Musa hule-haladoi fe leoina ndia.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.

HAKIM-HAKIM 10:15

Tehu hataholi Israel-la, lafa'da Manetualain lae, “Ami masala-masingo so, Manetualain. Tao su'di beek, fo O mahiik-kana; sa'di faik ia, O tulu-fali ami.”

SEMUEL SUSULAK-KA ESAN-NA 1:15

Tehu Hana nataa nae, “Au ta mafuk fa Ama, tete'ek-ka, au ta inu angol fa! Ketu au namahehenang-nga, de au hule-haladoi fo au tui au doi-dosong lala'en-na neu Manetualain.