YESAYA 26:14 - Susula Malalaok Hehelu Palak Ma Hehelu Beuk

¹⁴ Mates so, de neukose ala ta laso'da so'on, neukose samanen-nala ta fo'a falik fa. Nana O tao mamate-mamopo la'iesak-kasa so ma O ta mafandeles so'on.

YESAYA 26:14 ပူးပေါင်းရင်းမြစ်များ

AYUB 18:17

Ta lalelak-kana nai kota dale, do nai kota deak so'on; ta hapu hataholi esa boen, fo bei nafandendelek na'den-na.

AYUB 24:20

Inan bongin-na boeo, nafandele henin, de kalatik-kala la'a aopaan-na. Neukose, ta lafandele na'den-na so'on; nanatao namopo-namatek, sama leo ai-a tu'u neu.

AYUB 7:9

Sama leo ko'as-sa nasakoko'a, boema mopok-kana, leondiak boe, hataholi daebafak-ka maten, de neukose ta fali ma'i fan. Basa hataholi fo ala lalelak hain so, lafandele henin, de ta lafandelen so'on.

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.

MAZMUR 109:13

Nemen-na fo, basa tititi-nonosin lala'ena, nanatao namopo-namatek, ma bobongi makabuik-kala, lafandele heni na'den-na.

MAZMUR 135:17

Madi'idook-kala, tehu ala ta hapu lamanene fa, ani hahaek ta kalua neme bafan-na mai fa.

MAZMUR 36:12

Boso po'ilotak hataholi manakoao-ndaeaok-ka, sapu-na au do hataholi mangalauk-ka usi au.

MAZMUR 59:5

Boeo, ta hu kande au salang-nga fa, lasi'a fo laheheleaon.

MAZMUR 9:6

O huku basa leoina-la so, ma tao mamate-mamopo hataholi fo manatao tatao-nono'i mangalauk-kala; sila na'den-nala nananasanggango henik losa dodoon-na.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

PENGKHOTBAH 9:5

Ta bole nae ta, hataholi maso'dak-ka bubuluk nae mamates-sa nahanin, tehu hataholi manamatek-ka, ana ta bubuluk hata-hata fa. Ta hapu ngga'di do sese'bak ba'eneun fa, ma lafendele heni na'den-na so.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 37:19

Ala hotuheni, ma ala tao lakalulutuk lamatua daebafan-nala boe, nana lamatua daebafak sila-la, ta lanuu koasa makandondook fa. Sila ka'da ai-batu nanadoki-dulak, fo hataholi daebafak-ka nde taon-nana.

YESAYA 8:19

Tehu neukose hataholi-la ladenu emi meu moke natutu'duk neme hataholi malelak fo lamakukutuk ma bafan-nala bekoti. Neukose hataholi sila-la lafa'da lae, “Ade ta nandaa, ita toke natutu'duk neme hataholi manamatek-kala samanen-nala mai, soaneu hataholi maso'dak-ka paluun-na fa do?”

MATEOS 2:20

“Hataholi fo ana sanga taonisa ni'iana ndia, maten so. Hu ndia de, fo'a leona fo mo ni'iana ndia no inan fali leo Israel meu leona.”

ULANGAN 4:28

Nai ndia, neukose emi sene-do'ok neu hataholi daebafak-ka taon-na lamatua daebafak-kala, lamatua daebafak fo nanataok neme ai-batu mai, fo ana ta hapu nita do namanene, ana ta hapu na'a ma ana ta hapu de'i fa.

NINITAK 20:5

Ia nde kala'i makasososan fo hataholi manamate kala nanatao naso'da falik. (Tehu hataholi manamate fe'e kala ta nanatao naso'da falik nai lelek teuk lifun esa ndia dale na fa.)