YESAYA 26:13 - Susula Malalaok Hehelu Palak Ma Hehelu Beuk

¹³ Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

YESAYA 26:13 ပူးပေါင်းရင်းမြစ်များ

ROMA 6:22

Tehu besak ia, Lamatua ka soi-tefa nala emi neme sala-singo ka mai so, de emi da'di Manetualain atan so. Emi hapu nanala'ka nde, emi maso'da soaneu ka'da Manetualain fo tatao-nono'ik ndia buna-boan nde so'da matetu ka ma manaketu basa ta ka.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YESAYA 2:8

Nai mamanak lala'en-na, hapu sosongo-tatangok, ma ala doki-dulak aon dodoki-dudulak, fo ala sene-do'ok neun.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

AMOS 6:10

Teidalek fo manaito-ato natoi-natonon-na, neukose ana mai fo ana ko'o no tolanoon ndia popolan-na leo deak neu. Soona naloo bou-bou neu hataholi manai uma ndia buin-na nae, “Ade bei hapu nggelok bei laso'da do ta?” Soona, neukose namanene hala natataak-ka nae, “Ta!” Teidalek fo natoi-natono popolak ndia, neukose nafa'da nae, “Boso kokolak seluk bai! Ita ta bole seseik Manetualain na'den-na fa.”

YESAYA 51:22

O Manetualain-ma, nafa'da nae leo ia, Emi Amam Manetualain, fo nasala'e emi, “Doidosok fo Au fen nai Au nasa-melung dale-a, neukose Au ho'i falik-kana, neme o mai. Neukose Au nasa-melung tenak, de emi boso boe, lu'a-lepa bain.

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

YESAYA 10:11

Au tao amopo-amate Samaria no basa sosongo-tatangon-nala so. Neukose au tao leondiak boe, nai Yerusalem no basa sosongo-tatangok nanasene-do'ok manai naa-la.”

2TAWARIKH 12:8

Sisak koasa sila, fo ela ala bubuluk tao leo beek fo lamahele neu Au ma tao leo beek fo lamahele neu manakoasa daebafak-kala.”

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

YOHANIS 8:32

boema neukose emi malelak Manetualain fo ndo sa, soona neukose Ana soi-tefa na emi.”

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YESAYA 64:5

O soluk hataholi dale ndoos, fo naso'da tunga O hihii-nanaum. O mamanasa ami, tehu ami masala-masingo mahele, memak neme makahulun-na mai, ami masala.

MIKHA 4:5

Basa leoina manai daebafak-ka sene-do'ok ma tunga sila lamatua daebafan-na. Tehu neukose ita tunga Manetualain, fo ita Manetualain-na, fo sene-do'ok-kana losa dodoon-na neu.