YESAYA 26:12 - Susula Malalaok Hehelu Palak Ma Hehelu Beuk

¹² Manetualain, neukose O taom-ma ami, tetu-temak; basa hata lala'en fo ami tao-no'in, O nde tao-no'in ba'eneu ami.

YESAYA 26:12 ပူးပေါင်းရင်းမြစ်များ

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 57:2

Sue-lai au, ou Manetualain, sue-lai au, nana au asulu-ahapa neu O. Au ke'ke nai O li'da nasulu-nahapam dale, losa ani-sangu matuaina nate'e.

MAZMUR 57:3

Au aloo boou-bou neu Manetualain Fo Mademaina, neu Manetualain fo manaho'i nakeketuk saoneu au.

MAZMUR 68:28

Benyamin nde bee-na, leo fo anak nanseli, ana la'ok nai uluk boema basa lasi-lasi Yehuda-la tunga ma basa lasi-lasik Zebulon ma Naftali-la, lai dean-na.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 27:5

Tehu metema, Au anang-ngala musun-nala sanga nasulu-nahapak neme Au mai soona, nemen-na fo, ala mole-dame lo Au, hei, ala mole-dame lo Au.”

YESAYA 29:23

Nana, metema emi mete Au fe emi ni'iana-la, soona neukose emi manaku, mae Au nde Israel Manetualain fo malalao-malalafun-na. Neukose emi fe ha'da-holomata neu Au, ma emi bii-mamata'u neu Au.

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

YESAYA 57:10

Hu kande, emi leleo-lala'o dae doom-ma, soaneu sanga lamatua daebafak-kala, de emi sota-mangu so, tehu emi ta mafa'da mae, ta hapu namahehenak so'on. Emi maedaenga, sila hapu fe emi manggate beuk, nalosa emi ta tapandoe fa.

YESAYA 57:19

Neukose, Au fe tetu-temak neu basa hataholi-lala'en-na, nau manai mata, do manai dook-kala boe. Neukose Au tao alea-ahai Au anang-ngala.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

BILANGAN 6:26

Ela leo been-na, Manetualain sue-lai emi, ma Ana fe emi mole-dame.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.