YESAYA 24:6 - Susula Malalaok Hehelu Palak Ma Hehelu Beuk

⁶ Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YESAYA 24:6 ပူးပေါင်းရင်းမြစ်များ

2RAJA-RAJA 24:12

de Mane Yoyakhin-na no inan, anan-nala, malanga solda'du manai lain-nala, ma uma manek-ka, hataholi mana'a ngga'din-nala, lakatele neu Nebukadnezar. Boema Yoyakhin da'di hataholi nanafoo nenik. Dede'ak ndia, ana da'di ndek lelek Nebukadnezar, paleta neu teu ka 18-na.

2RAJA-RAJA 25:12

Tehu, laun nggelok, nuu-taa hata-taak-kala. Hata-heton-nala ta makandondook so, ala la'oelas leme Yehuda, de ladenus, fo ala tao osi angol, ma ala ta'ti tina.

YESAYA 1:31

Sama leo ha'ikaa anak esa, ana hotuheni ha'deaik-ka, leondiak boe, hataholi mana koasa-la, neukose sila tatao-nono'i mangalaun-nala, nde tao lamopo-lamates-sala, de ta hapu hata esa boen, bisa tao nate'e nakalulutuk ndia fa.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 34:5

Manetualain sadia basa tafainan-na, nai nusa so'dak-ka so, de besak ia, neukose tafaina ndia na'a leoina Edom fo, huhukun-na nananaketu basak so, de neukose nanatao namate-namopok.

YESAYA 43:28

o imam-mala, ala tao langgenggeo Au Umang-nga. Hu ndia de, Au fe heni Israel, fo nananakadadaek, Au po'ilotak Yakob tititi-nonosin, nanatao namate-namopok.”

YESAYA 5:24

Emi ta sipok Manetualain Fo Manakoasa nanolin-na fa, ma emi makadadaek Israel Manetualain malalao-malalafun-na paletan-na so. Hu ndia de, sama leo ha'deaik-ka ma na'u tuuk-ka putun nai ha'i dale, leondiak boe, emi okam-mala, neukose laboo emi bungam-mala lamatuu, fo anin-na fuu nenis.

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 5:14

Boema Manetualain Fo Manakoasa, nafa'da au nae, “Yeremia, hu kande hataholi sila-la kokolak lae leondia, de neukose soe-a la'es, fo tunga sila hahapun-na soona, neukose soe ndia ta da'di fa. Neukose Au akadada'dik au hala-kokolang sama leo ha'i nai o bafam dale. Fo leoina ia, neukose ana da'di ai ha'i, fo ha'i ndia na'a henis.”

YESKIAL 5:3

Ho'i ela langadook ndia faa anak, fo potin leo o ba'du manalum-ma, didikun dale neu.

IMAMAT 26:22

Neukose, Au fe bana makaa-makisuk-kala leu leo emi tala'da heom leu. Neukose, bana sila-la kaa-la emi anam-mala, taolisa emi bana-manum, ma la'aheni emi, nalosa ela ka'da emi lumanak nanseli, ma enok manai emi nusam dale-la, da'di nee-nee lino-linok.

MALEAKHI 2:2

Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa.

MALEAKHI 3:9

Basa leoina lala'en-na, ke'di-ndiu Au, de soo-supak-ka lae emi basa-basam-mala.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MALEAKHI 4:6

Neukose ana tao-na amak-kala ma anak-kala dalek esa, fo ela Au boso mai tao amopo-amate emi nusam-ma.”

MATEOS 27:25

Basa hataholi makadotok sila la lataa lae, “Hei, neme na fo ami mo ami upu-anak mala lu'a-lepa huhukuk soaneu mamate na!”

MATEOS 7:14

Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

ULANGAN 28:62

Leomae, emi dede'um-ma, de'u nduuk manai lalai-a so boe, tehu nai emi dalek, hapu maso'dak, ka'da lumanak mesak-kana, nanahu emi ta tunga neu emi Manetualaim-ma fa.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.