YESAYA 24:5 - Susula Malalaok Hehelu Palak Ma Hehelu Beuk

⁵ Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YESAYA 24:5 ပူးပေါင်းရင်းမြစ်များ

2 SEMUEL 23:5

Leondiak boe, Manetualain ba'e-pala au tititi-nonosing, hehelu-balataan neu au-a ta nasafali fa, hehelu-balataan ndia, manaketu basa tak ma matetu-mandaak, nanaito-atok no matetun-na nai basa-basan lala'en-na dalek. Manetualain fe sesengik neu au ma Ana sipok basa au dale tutu'ung lala'en-na.

2RAJA-RAJA 21:12

Hu ndia de, Au, fo Manetualain, fo hataholi Israel-la sene-do'ok-ka, neukose fe soe matuaina neu Yerusalem ma Yehuda, nalosa hataholi see, namanene soe ndia soona, neukose ana nggenge-la.

2RAJA-RAJA 21:15

Neukose, Au tao basa sila-la soaneu Au anang-ngala, nanahu lasala-lasingo neu Au, ma ala tao lafo'a Au nasa-melung, nai lelek sila bei-ba'i kain-nala kalua leme Masir mai, losa faik ia.”

2TAWARIKH 33:9

Manasye taon-na laun Yehuda-la tao sala-singok fo mangalau-na lena neme sala-singok leoina fo Manetualain usihenis leme Kanaan mai, nai lelek Manetualain anan-nala masok nusak ndia, tao-no'ik-ka.

MAZMUR 105:10

boema Ana tao natete-nahehelen no Yakob, fo ana da'di hehelu-balataak fo manaketu-basa tak ba'eneu hataholi Israel-la.

MAZMUR 55:5

Au daleng-nga ta tesa-tama nanseli fa, mamates fo maneni bibii-namata'u matuaina, nakatata'u au.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 33:8

Okofoo-la, nanananea tak, nalosa nee-nee lino-lino; ta hapu hataholi, la'ok tunga lain fa. Hehelu-balataak, nananalelesik, ma sakasii-la, nanatipa henik. Ta hapu manataoafik fa.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

YESKIAL 16:59

Manetualain Fo Mademaina, nafa'da nae, “Neukose Au tao o, nandaa no o tatao-nono'im, nana o malelesi o soo-supam, boema o la'olena, Au hehelu-balataang no o.

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

DANIAL 7:25

Neukose ana kokolak la'ban Manetualain Fo Mademaina, ma ana tuni-ndeni Manetualain anan-nala. Neukose ana sanga enok, fo ana nggati heni hoholo-lalanek, ma Manetualain anan-nala agama-na fai malolen-nala, ma neukose ana koasas teuk telu seselik.

DANIAL 9:10

Ami ta mamanene O halam-ma fa, ou Manetualain, fo ami Manetualaim-ma, nai lelek O madenu ami maso'da tunga O fe ami hoholo-lalanek-kala tunga nabi-nabi fo O atam sila-la.

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

IMAMAT 20:22

Manetualain nafa'da nae, “Tunga la'iesak Au hoholo-lalaneng ma Au paletang-ngala, fo daenga emi ta nanausihenik neme nusa Kanaan-na mai, fo nai bee, Au o emi leo naa meu.

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 9:1

Hehelu-balataa makasososa ka nanuu mamaso-kasasi nakanenete nala, ma la'eneu mamana hule-haladoik fo hataholi daebafa ka tao ka boe.

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”

YOSUA 24:25

Boema nai faik ndia, fo nai Sikhem, Yosua tao hehelu-balataak no hataholi Israel-la; ma nai ndia boe, ana fes hoholo-lalanek ma nakanenetek fo ala muse tungan.