YESAYA 24:3 - Susula Malalaok Hehelu Palak Ma Hehelu Beuk

³ Neukose daebafak-ka nggela-nggali, ma nanatao nakalulutuk. Manetualain kokolak basa so, de tao leo bee-o, dede'ak ndia ana da'di.

YESAYA 24:3 ပူးပေါင်းရင်းမြစ်များ

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

YESAYA 21:17

Kedar hataholi manakoun-nala nde been-na, hataholi fo balakaik ma makadelek. Tehu neukose, ka'da sila lumanak laso'da. Au, fo Israel Manetualain, nde manakokolak-ka.”

YESAYA 22:25

Metema dede'ak ndia ana da'di, soona ai papakuk fo nanapaku nahelek ndia, neukose natalesu fo tu'dahenin. Fo ndia nde da'di teidalek-kala maso'da mate'en-na, ma boeo basa hataholi fo namahena neun-na. Au, fo Manetualain nde manakokolak-ka.”

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 24:2

Neukose basa hataholi-la, ua-nalen-nala sama: Imam-imam ma laun, ata nanaasak ma tuan-na, manamase'ok ma manaasak, manafe totonak ma manatonak, kamasu'ik ma nuu taa-hata taak.

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 42:22

Tehu nako, namanako basa leoina ndia so; sila nanahukuk lai kama-kama manai dae buin-na, ma nanataok leo bui-la dalek leu. Ala da'di nakodaa paa nana'an, tehu ta hapu manatulu-fali fa.

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 13:15

Hataholi Israel-la lemin, Manetualain kokolak nae! Boso koao, te mamanene neun!

MIKHA 2:4

Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

MIKHA 4:4

Neukose hataholi-a esa-esak naso'da nee-nee lino-lino, ma so'da-molek nai osi angol ma osi ai kaan-na tala'da; neukose ta hapu hata nakatata'u fan, Manetualain Fo Manakoasa, hehelu-balataan nde ndia.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

ULANGAN 29:28

Manetualain nasa-melun fo'a nanseli, de nai nasa-melu matuainan ndia dalek, Ana usiheni leoina Israel-la neme sila nusan-na mai, de Ana tapas leo nusa dea neu, boema ala leo leme ndia.’