YESAYA 22:5 - Susula Malalaok Hehelu Palak Ma Hehelu Beuk

⁵ Memak, Manetualain Fo Mademaina, ma Manakoasa, naketu basa faik ia, da'di leo fai sese'do-babalik, fai nakalupuk, ma fai tasi'bu nai Bafak Ninitak-ka. Kota papala nanadaman-nala, nanatao natu'uk so. Ngganggasik fo manoke tutulu-fafalik-ka, nadodolo nai pupukuk-kala lain.

YESAYA 22:5 ပူးပေါင်းရင်းမြစ်များ

2RAJA-RAJA 19:3

Hizkia hala hehelun, fo ala landuku-lalosak-kana neu Yesaya, nde ia, “Faik ia fai luu-mata pinu-iduk; ita nanahukuk, ma nananakamumulu-nakamamaek. Ita sama leo, inak fo hii-hii nae bongi, tehu be'i-balakain ta so.

2RAJA-RAJA 25:10

Boema, basa solda'dun-nala tao lakalulutuk kota ndia papala nanadaman-nala.

ESTER 3:15

Ladenu basa hataholi-la, no lai-laik ala la'o, fo leni susulak sila-la, leo basa propensi manai nusak-ka lala'en-na. No manek-ka hala nadenun-na, de ala po'a-benga paleta ndia nai Susan, fo Persia nusan-na, polon-na boe. Basa ndia boema, manek-ka no Haman benau ma linu angol, tehu kota Susan-na lakadii-lakau, nanahu halak ndia.

YESAYA 10:6

Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 22:1

Hala heheluk la'eneu Bafak Ninitak-ka nde ia: Hai, laun Yerusalem-mala lemin, tao le'e de, emi basa-basam-mala kae leo uma punin-na meu?

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 37:3

Ala landuku-lalosak Hizkia hala hehelun-na nde ia, neu Yesaya, “Faik ia, fai susa; ita nanahukuk ma nananakamumulu-nakamamaek. Ita sama leo inak fo, ana sanga bongi, tehu balakain ta so.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 63:3

“Au mesang-nga, masok leo mamana popo'de angol-la u, nai Au anang-ngala dalek, ta hapu manatulu-fali Au fa. Au heheta-aa'i leoinak-kala, nai Au nasa-melung dale, sama leo heheta-aa'i angol boak-ka Daan-nala lasapula mai de, nakadoe Au ba'dung-nga, ana tao nanggenggeo, Au ba'dung-nga lala'en-na.

YESAYA 63:6

Nai Au nasa-melung manalua ponu-ponung-nga dalek, Au heheta-aa'i leoinak-kala; Au tao amopo-amates, de Au po'a heni daan-nala leo dae lain neu.”

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

RATAPAN 1:5

Musun-nala lalole-lanapu, nanahu ala hapu koasa-lan. Manetualain tao-nan doi-doso, nanahu sala-singon makadotok nanseli. Foo leni laun-na so, de loos leo mamana tu'u-tapak neu.

RATAPAN 2:2

Ana tao nakalulutuk basa mook manai nusak Yehuda, ta no dale susuek fa. Nai nasa-melun-na dalek, Ana honan losa ndefa heni basa kota musu manamasulu-mahapa nusak ndia. Nusak ndia no basa mauli-malangan-nala, Ana tao natu'das, nalosa ala da'di nakadadaek.

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

YESKIAL 7:7

Basa hata lala'en-na, nate'e ba'eneu o, hai leoina fo, manaleo nai dae ia dalek-ka. Besak ia, ta hapu seluk feta nai mei tunu-hotu letelepak-kala, te hapu ka'da tasi'bu mesak-kana.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

MIKHA 7:4

Hata fo malole nanseli, ma manatao tunga ndoon-na nanseli boeo, sama leo dila-nggauk, fo sosoa-ndandaan ta. Fain-na losa so, fo Manetualain huku anan-nala, sama leo hata fo Ana paleta basan soaneus, tunga nabin-nala. Besak ia, tasibu-a da'di nai sila tala'da so

ZEFANYA 1:15

Faik ndia, fai nasa-meluk, to'a-sotak ma to'a-taak, fai manandefak, ma nakalulutuk, fai makahatuk, ma mata-pana makamamasuk, fai masakoko'ak ma makamamasuk.

MATEOS 24:16

Nai faik ndia, hataholi manai nusa Yudea la muse lalai leo lete lepa kala leu.

LUKAS 23:30

Nai lelek ndia nde neukose hataholi a nafa'da lete kala nae, ‘Mapaluni ma ami leona!’ Ma neu pupuku kala lae, ‘Mapaluni mala ami leona!’