YESAYA 22:12 - Susula Malalaok Hehelu Palak Ma Hehelu Beuk

¹² Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 22:12 ပူးပေါင်းရင်းမြစ်များ

2TAWARIKH 35:25

Nabi Yeremia taon-na nakamee kii-makaleleuk esa soaneu Manek Yosia. Losa besak ia, nakameek ndia nanapakek nai Israel fo basa manamakameek-kala, nau inak do touk boe, ala paken nai fai nasanene'dak soaneu Yosia fai mamaten-na. Ala sulak nakameek ndia leo susula nakamee kii makaleleuk-ka dalek neu.

EZRA 9:3

Au amanene dede'ak ndia boema, au asasale dale anseli, nalosa au sisii-lulu'i au bua papakeng-nga, ma au sisii-lulu'i au langadoong-nga, ma au nggolomeing-nga, boema au angatuuk no dale nakalulutuk.

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 3:4

Manetualain naketu faik soaneu kii ma faik soaneu hika, faik soaneu makaleleu ma faik soaneu foti-longe,

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 29:1

Soe ba'eneu Yerusalem, fo loken lae Manetualain mei tunu-hotun! Soe ba'eneu Dauk mamana ofun-na! Nemen-na, fo teuk-kala langganggatiaok no fai malolen-nala.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YESAYA 32:11

Losa hatematak ia, emi so'dam-ma malole, ma ta hapu toto'a-tataak fa. Tehu besak ia, emi dele ngge'be-ngge'be no bibii-namata'uk-ka! O'duheni emi bua papakem-ma, fo pa'a si'di lafa lapik neu emi tala'dam-ma.

YESAYA 37:1

Nai lelek Manek Hizkia namanene hataholi ka teluk sila-la, hala nafa'dan-na boema, ana sii heni bua papaken-na, de ana pake si'di lafa lapik, da'di neu ta'du-tana dale he'dik, boema neu leo Manetualain Uman neu.

YESAYA 37:2

Basa boema, nadenu Elyakim, fo uma manek-ka malangan-na, Seba, fo nusaina hataholi manasulak susulan-na, ma basa imam fo, lanuu nangatutuuk nai manapaleta dalek, fo leu latongo lo Nabi Yesaya, fo Amos anan-na. Sila boeo pake si'di lafa lapik.

YESAYA 58:3

Leoina ndia natane nae, “Sosoak hata, okaaok ndia, metema Manetualain ta mete fa? Sosoak hata, ita takaloe-takadae oa-tala, metema Au ta taoafik neu fan?” Manetualain nafa'da nae, “Te'e-te'e, lelek emi okaaom-mala, emi sanga nanalak soaneu emi, ma eese-lulumu hataholi fo, emi se'ba-baek-kala.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 16:8

Boso mu leo hataholi manatao fea uman neu. Boso mu'a-minu moos boe.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

DANIAL 5:1

Faik esa boema, Mane Belsyazar-ra ka'i hataholi matua-mademan lifun esa, fo ala mai leo ndia feta neulaun-na mai, fo linu angol.

HOSEA 9:1

Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:8

Kii leon, hai hataholi-la lemin, sama leo anafe'oana manasusak, fo ana kii-makaleleu tonanga susuen-na, mamaten-na.

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

YOEL 2:17

Madenu basa imam fo lalalau-laoono Manetualain, fo ala kii nai mei tunu-hotuk ma uma so'dan manai muka, tala'da, boema lafa'da lae, “Sue-lai O anam-mala, ou Manetualain; boso po'ilotak, lakamuu-lakadau O hata-hetom.” Nalosa leoina fe'ek-kala kokolak holo ma lafa'da lae, “Sila Manetualain nai bee?”

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

YUNUS 3:6

Lelek mane Niniwe, namanene halak ndia boema, ana fo'a napadeik de no lai-laik ana la'o ela kandela manen-na. Ana o'du heni ba'du manen-na, de ana pake si'di kalong, boema nangatuuk neu afu lain.

MIKHA 1:16

Hai hataholi Yehuda-la lemin, nggute heni emi langadoom-ma, fo da'dileo ta'du-tana manafaluk, ba'eneu emi anam fo emi sue-laik-kala. Nggeu heni emi langadoom-ma losa dilak, sama leo manupui mana'a popolak-ka, nana neukose emi anam-mala, nanafook leo mamana tu'u-tapak neu.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!