YESAYA 21:9 - Susula Malalaok Hehelu Palak Ma Hehelu Beuk

⁹ Mitak, ala mai so! Solda'du manasa'e ndala-la, ala mai dua-dua. Basa boema, manamanea ndia, ana fe halak-ka mai nae, “Babel tu'da so! Ala sene-do'ok dodoki-dudulak-kala, lakalulutuk de besenggela-besenggali lai dae lain.”

YESAYA 21:9 ပူးပေါင်းရင်းမြစ်များ

YESAYA 13:19

Neme basa nusak lala'en-na mai, Babel ndia nde mana'ahiik nanseli, ma ana da'di namatutua dalek ba'eneu laun-nala. Tehu Au, fo Manetualain, neukose tao akalulutuk-kana, sama leo Au tao Sodom ma Gomora.

YESAYA 14:4

Metema Manetualain tao dede'ak ndia soona, neukose ala hakinonoli manek Babel-la lae leo ia, “Manek fo ha'da hataholi tak-ka, ana tu'da so! Ana ta hapu tuni-ndeni so'on.

YESAYA 2:18

Neukose mopo makandondook sosongo-tatangok-kala.

YESAYA 21:7

Metema ana nita solda'du manasa'e ndala-la, ala mai lakadadalak dua-duak, solda'du manasa'e keledei-la ma onta-la soona, muse ana mete matalololes.”

YESAYA 47:5

Manetualain nafa'da Babel nae, “Denge-denge, fo muu leo makiu-makahatuk dale muu leona. Neukose ta loke seluk o lae, ‘Nusak-kala inamanen fa.’

YESAYA 47:9

Tehu, ka'da hatematak esa, fo nai faik esa dalen-na, dede'a ka duak sila-la, ala da'di landaa. Leomae, o pake suangi, ma mo'do-akidook, o saom-ma, ma o anam-mala nanaloso nenik boe.

YESAYA 48:14

Emi basa-basam-mala makabubua, fo mamanene leona! Nai lamatua daebafak-kala tala'da, ta hapu mananeuk-nala, nae Au hataholi heheleng-nga, neukose ana sapu-la Babel; neukose ana tao hata fo, Au ahiik-kana.

YEREMIA 50:29

Manetualain nafa'da nae, “Mafa'da basa manakou-la sapu-la Babel. Mafa'da neu basa manakou malelak-kala okofefeo kota ndia ma boso ela esa nala deak boen. Fe falik sila tatao-nono'in ma taon sama leo ndia ha'da palin-na hu ka nde ndia ta fe ha'da-holomata neu Au, Israel Manetualain fo Malalao-malalafuk-ka.

YEREMIA 50:38

Tao mama'dak basa lee-la, ma tina-nala! Hu ka nde Babel henuk no sosongo-tatangok ma bibii ina mai fo nde nanatao namulu hataholi kamahehelek-kala.

YEREMIA 50:42

Ala leni kokouk ma tee; sila mangalaun-nanseli ta lalelak do'o do ampon fa sama leo tasi fo'a, ndala-la lakadi, fo sila nde fes leu tao musu no Babel.

YEREMIA 50:9

Neukose Au fe leoinak luma be'i-balakaik leme kii fo ala sapu-la Babel. Neukose ala tu'u enok fo ala tao musu neu Babel ma sengi henis. Sila nde been-na mana kou malelak-kala fo kokoun-na ta sala fa.

YEREMIA 51:27

“Hei Manek Kii! Tao ta'du tana sapu-nak. Fuu ma lii trompet fo basa leoinak-kala lamanene! Madenu leoinak-kala fo leu sapu-la Babel! Mafa'da nusa Ararat, Mini ma Askenas sapu-las. So'u ma malangan soloda'du esa fo nalanga nate-natatik-ka. Fe ndala-la de'u lamak-kala lakabubua.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

YEREMIA 51:47

Mamahele leo, neukose fain-na losa fo Au huku manasongo-tatangok Babel. Neukose basa nusak ndia nananakadadaek ma basa laun-nala nanataonisak.

YEREMIA 51:52

Hei mafandele neu Au halang-nga ia. Neukose fain-na losa fo Au huku Babel sosongok-tatangon-nala. Hataholi-la lakadii nai basa nusak ndia hu ka nde lakahina matua.

YEREMIA 51:64

Ma o kokolak mae, ‘Ia nde been-na neukose ana da'di neu Babel. Neukose nusak ia tenak heni ma ana ta fo'a soon hu ka nde ala hapu susa-soe neme Manetualain mai.’ ” Yeremia dede'a kokola-na nate'e losa ia.

YEREMIA 51:8

No kaiboianak Babel tu'da de nakalulutuk. Kii makalelu neu ndia ma sanga akidok mo'do fo mamo'do neu bisu-na fafa'kama hapu hai.

NINITAK 14:8

Ata nusa so'da kadua tunga ata nusa so'da kaesa boema nalo bou-bou nae, Ana tu'u neu so. Kota Babel matuaina tu'u neu so. Kota ndia tao na basa leoina lala'ena mafuk angol, fo angol neme nasa manasosoa-piao na mai.

NINITAK 18:2

Nalo bou-bou napane'e nae, “Ana tu'u neu so! Babel matuaina ana tu'u neu so! Besak ia kota ndia da'di nitu la ma dula dale mangalau kala mamanan so. Basa manupui manggenggeok mata-matak fo hataholi a ta nahii kasa, ala leo lai dalek.

NINITAK 18:21

Basa ndia boema, ata nusa so'da kahelek esa so'u na batu esa, ba'u batu tututuk matuaina, boema ana tapan leo tasi dale neu ma nae, “Eno na leoiak, kota Babel fo nananita nalelak ndia, neukose nanatapa napane'ek, nalosa neukose ta natongo non so'on.