YESAYA 21:8 - Susula Malalaok Hehelu Palak Ma Hehelu Beuk

⁸ Basa boema, manamanea ndia naloo bou-bou nae, “Tuan, au anea tunga faik, lele'dok ma le'odaek so.”

YESAYA 21:8 ပူးပေါင်းရင်းမြစ်များ

2TAWARIKH 20:24

Lelek solda'du Yehuda-la losa uma naneak puni madema manai moo maloa de ala mete besa-besa loo mamana natee-natati-ka te, lita musu noo-ka popolan-nala lalefule'ak lai dae lain. Ta hapu hataholi esa boen neme solda'du musu sila-la, naso'da fa.

MAZMUR 127:1

Salomo nakameen-na. Metema, Manetualain ta nde, nafofo'a uma fa soona, basa tuka-la tatao-nono'in manada'di tak. Metema, Manetualain ta nde, nasulu-nahapa kota fa soona, basa manamanea-la nanean-na, manada'di tak.

MAZMUR 63:6

No eeki-natadalek, au koa-kio O, nana O tao mamahoko au samaneng-nga, sama leo nenik nana'a mala'da.

YESAYA 5:29

Basa solda'dun-nala langao sama leo singa fo besak-ka ana kaa nana'an-na fo nalai, de ta hapu hataholi bisa finga-na falik-kana fa.

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YEREMIA 50:44

Sama leo meo asu to'da neme lasi ina dale fo deka no Lee Yarden, ma ana mai leo mook fo bi'i lopo-la mamana nana'a na'u-nala, neukose Au leondiak, Manetualain mai fo ana tao-na hataholi Babel-la lalai la'o ela sila kota no kaiboianak. Boema neukose Au hele malangan esa fo ana paleta leoina ndia. Hapu se fo nananakasasamak no Au? See napalani tao dede'ak neu Au? Ade hapu malangan esa fo la'ban Au?

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.